|
HCCC 298/2015
香港特別行政區
高等法院
原訟法庭
刑事案件2015年第298號
----------------
----------------
| 出席人士： |
律政司署理高級檢控官Mr CHENG，代表香港特別行政區 |
| |
Mr Osmond LAM，由陳曼琪律師行延聘，代表被告人 |
| 控罪： |
販運危險藥物（Trafficking in a dangerous drug） |
----------------------
判刑
以下內容乃法庭數碼錄音謄本
----------------------
官：
本案被告人朱紹廷喺本席前承認咗一項控罪，乃販運危險藥物罪，違反香港法例第134章《危險藥物條例》第4（1）（a）及（3）條。該控罪詳情指，被告人於2015年3月11日在香港九龍旺角上海街490至492號非法販運危險藥物，即內含678克氯胺酮的991克粉末。被告人亦都承認咗控方備就嘅案情撮要。案情撮要如下：
2015年3月11日下午6時50分左右，被告人在九龍旺角上海街490至492號二樓與三樓之梯間被警務人員截查，被告人當時正在上樓梯，他告訴警務人員自己正返回該樓宇四樓（即係3字樓）的住所。被告人手上拿著一個咖啡色紙袋，警務人員搜查他，發現紙袋內有一個粉紅色嘅膠袋，用黑色T恤遮蓋，粉紅色膠袋內有一件用錫紙包裹的物件，該物件內有一個透明膠袋，其後證實為載有內含678克氯胺酮的991克粉末。
（2）被告人被拘捕。被告人在警誡下表示「我係一時等錢使先會幫人「拖」啲『K仔』」；此警誡供詞記錄在警察記事簿內，其後由被告人簽名確認內容。
（3）被告人被捕時身上有三條鎖匙，兩部流動電話及現金$270.50。
（4）警方使用被告人身上所搜獲的鎖匙進入被告人在該樓宇四樓（即是3字樓）B室的住所搜查，在睡床附近搜獲一些毒品包裝工具，包括一隻膠匙羹、一個電子磅、一個熱力風口機及大量可再封口的透明空膠袋：
（5）在錄影會面中，被告人在警誡下聲稱受僱把氯胺酮裝入小袋，他的工作就是運送毒品，完成後可賺取1,200元，但被告人拒絕透露同犯的詳細資料，並進一步聲稱這不是第一次運送危險藥物。
（6）被告人居住單位的女房東確認，於2015年3月1日以月租3,100鈫將該單位租予被告人...
MR LAM：係，閣下，或者係嗰個承--其實承認案情應該用7月14號嗰個新嗰個。
官：好，我睇睇。
MR LAM：係，就係冇咗頭先第（5）段嘅閣下講最後一句嘅，係。
官：唔係，睇睇，我睇睇。係，頭先讀到第（5）段嘅時候呢--我再讀過第5段，係頭先讀第（5）段嗰度係讀錯咗其中一份嘅口供，因為一份係7月13日，一份係7月14日嘅。
MR LAM：係。
官：7月14日嗰份先啱嘅。咁我重新讀過第（5）段，「在錄影會面中，被告人在警誡下聲稱受僱，把氯胺酮裝入小袋，他的工作就是運送毒品，完成後可賺取1,200元，但被告人拒絕透露同犯的詳細資料」。
第（6）段，被告人居住單位的女房東確認，於2015年3月1日以月租3,100鈫將該單位租予被告人。
（7）撿獲的危險藥物市值估計為116,938鈫。
（8）被告人現承認和接受管有被撿獲的危險藥物作販運用途。
根據律政司訴許守城（[2008] 3 HKC 323）一案，內載上訴庭訂下關於販運氯胺酮嘅判刑指引，涉及販運嘅氯胺酮嘅重量為600克至到1,000克者應判處12至14年監禁。本案控罪涉及販運的危險藥物是內含678克氯胺酮的991克粉末，適當的量刑基準按照許守城案應為十二年三個月監禁。
林大律師替被告人向本席求情輕判，最重要嘅林律師強調嘅，就係被告人係較為年輕，而佢所有嘅案底亦都係輕微，而又呈上咗懲教院所牧師嘅求情信函，指出被告人係因為與家人爭執而搬出居住，以致係犯咗呢個嚴重嘅罪行。而家被捕之後一年多，當事人（即是個被告人）已經與家人重新修補關係，對自己所犯嘅過錯係感到後悔，而佢亦都表示係會認罪嘅，希望喺獄裡面服刑嘅時候係努力學習。基於呢啲原因，本席認為係可以採取一個較輕嘅量刑基準，就係12年監禁。
本案所涉嘅罪行實情係極其嚴重嘅，被告人嘅自身同埋家庭狀況對於輕判或者扣減刑罰並不起任何作用，而本席亦都唔以佢以前有犯罪前科而加重佢嘅刑罰。喺本案可以減刑嘅因素只有一個，就係被告人承認控罪。被告人坦承認罪，應獲一般嘅三分之一嘅刑期扣減。
採用上述嘅12年監禁為量刑基準，扣減咗三分一之後，得出嘅就係8年監禁，呢個就係本席判處被告人嘅刑期。
|