HCCC 510/2013
香港特別行政區
高等法院
原訟法庭
刑事案件2013年第510號
----------------
----------------------------------
判刑 以下內容乃法庭數碼錄音謄本
官：
被告人喺裁判法院承認咗一項販運危險藥物罪，被交付高等法院原訟法庭判處。今日被告人喺本席席前再次承認控罪，同意案情，本席確認被告人控罪罪名成立。 本席喺判處嘅時候考慮咗整體情況，包括案件嘅性質同埋情節，尤其是所涉嘅危險藥物嘅種類同埋份量、被告人嘅個人背景同埋辯護大律師嘅求情陳詞。 本案嘅案情可以簡述如下：被告人到達咗羅湖管制站入境大堂嘅時候被關員截停，喺搜身之後喺佢嘅後褲袋搵到四個可再封膠袋，其中兩包裡面共有二百八十四個獨立包裝嘅海洛英。喺警誡之下，被告人聲稱喺內地羅湖受一名老婦所託，將物品帶嚟香港會有100元嘅酬勞。 本席得知被告人現年50歲，佢已經離婚，有一名11歲嘅兒子由前妻撫養，被告人現時獨居深圳，佢初中程度，曾經任職運輸工人同埋物業管理，後嚟因為脊椎有疾病，不能夠長期工作，轉為走水貨，每月入息大概四至五千元。 辯方大律師強調，被告人今次犯案係因為強大嘅經濟壓力，受唔住引誘，畀毒犯利用。被告人之前只係有一次賭博嘅紀錄，本席喺考慮判處嘅時候，不會理會呢一次嘅定罪紀錄。 被告人今次販運嘅係海洛英，毒品純含量係85.46克，根據上訴法庭嘅案例英皇訴劉德明（譯音）（[1990] 2 HKLR 370），販運海洛英者，如果毒品嘅純含量係50至200克嘅話，應該判處監禁8至12年，本席睇唔到喺本案存在應該偏離量刑指引嘅因素。被告人將毒品從內地帶嚟香港，量刑基準應該提高半年。考慮咗整體情況，本席會採用九年三個月作為量刑基準，被告人承認控罪，應該得到三分一嘅刑期扣減。考慮咗整體情況，本席認為呢個就係被告人應得嘅刑期扣減幅度。 被告人，請起立，基於上述理由，本席判你就本案監禁六年兩個月。
被告人喺裁判法院承認咗一項販運危險藥物罪，被交付高等法院原訟法庭判處。今日被告人喺本席席前再次承認控罪，同意案情，本席確認被告人控罪罪名成立。
本席喺判處嘅時候考慮咗整體情況，包括案件嘅性質同埋情節，尤其是所涉嘅危險藥物嘅種類同埋份量、被告人嘅個人背景同埋辯護大律師嘅求情陳詞。
本案嘅案情可以簡述如下：被告人到達咗羅湖管制站入境大堂嘅時候被關員截停，喺搜身之後喺佢嘅後褲袋搵到四個可再封膠袋，其中兩包裡面共有二百八十四個獨立包裝嘅海洛英。喺警誡之下，被告人聲稱喺內地羅湖受一名老婦所託，將物品帶嚟香港會有100元嘅酬勞。
本席得知被告人現年50歲，佢已經離婚，有一名11歲嘅兒子由前妻撫養，被告人現時獨居深圳，佢初中程度，曾經任職運輸工人同埋物業管理，後嚟因為脊椎有疾病，不能夠長期工作，轉為走水貨，每月入息大概四至五千元。
辯方大律師強調，被告人今次犯案係因為強大嘅經濟壓力，受唔住引誘，畀毒犯利用。被告人之前只係有一次賭博嘅紀錄，本席喺考慮判處嘅時候，不會理會呢一次嘅定罪紀錄。
被告人今次販運嘅係海洛英，毒品純含量係85.46克，根據上訴法庭嘅案例英皇訴劉德明（譯音）（[1990] 2 HKLR 370），販運海洛英者，如果毒品嘅純含量係50至200克嘅話，應該判處監禁8至12年，本席睇唔到喺本案存在應該偏離量刑指引嘅因素。被告人將毒品從內地帶嚟香港，量刑基準應該提高半年。考慮咗整體情況，本席會採用九年三個月作為量刑基準，被告人承認控罪，應該得到三分一嘅刑期扣減。考慮咗整體情況，本席認為呢個就係被告人應得嘅刑期扣減幅度。
被告人，請起立，基於上述理由，本席判你就本案監禁六年兩個月。