HCCC 129/2009
HCCC129/2009
香港特別行政區
高等法院
原訟法庭
刑事案件 2009 年第 129 號
----------------
主審法官:
高等法院法官彭偉昌
日期:
2009 年 10 月 7 日上午 10 時 33 分
出席人士:
律政司高級檢控官盧淑玲女士,代表香港特別行政區 佘頌平律師事務所律師梅松先生,代表被告人
控罪:
搶劫罪(Robbery)
------------------------------------------
判刑 以下內容乃法庭數碼錄音謄本
官:被告承認一項搶劫罪。
案情指佢08年6月26號凌晨糾黨潛入天水圍一個樓下為士多樓上為住所嘅屋內,搜劫當時正在熟睡嘅76歲店東同佢78歲嘅太太,期間包括被告在內嘅呢四名賊人曾經綑綁兩名事主,又用布塞佢哋嘅口。此外,男士主被拳擊臉部數下,女事主則被踩過手臂兩次。前者後來證實左前額同左眼眶四周有瘀傷,雙手手腕則有擦傷。至於被告後來點樣被捕獲,就係喺街上被警員截停,發現佢係非法入境者不止,仲確認佢嘅指模同綑綁事主用嘅膠紙黏貼面上面搵到嘅指模一樣,不過嗰時已經係四個月之後。 背景方面,被告現年30歲,未婚,安徽省鄂西懸人,曾經接受過五年小學教育,之後四出打工。此外,佢喺香港有四次共五項前科,其中三項係非法入境,兩項係入屋犯法。刑事紀錄裡面,最後嗰兩項就反映出被告最後一次非法入境同埋喺本案發生之後再犯下嘅一項入屋犯法,為此佢總共被判入獄三年半,由09年4月開始。 求情嘅時候,律師基本上冇咩嘢好說話可講,最主要嘅就係話被告認罪。 我認為被告入侵私人處所打劫,最基本嘅量刑基準係5年,當時係深夜,佢又有同夥,期間又向事主使用暴力,就應該累進至7年。佢認罪,可以得到三分一嘅扣減,就下調至四年零八個月。 總刑期方面,根據數罪並罰不能過重嘅原則,我認為四年零八個月裡面嘅其中一年可以與被告先前被判嘅三年半同期,其他分期就可以,就係咁。
案情指佢08年6月26號凌晨糾黨潛入天水圍一個樓下為士多樓上為住所嘅屋內,搜劫當時正在熟睡嘅76歲店東同佢78歲嘅太太,期間包括被告在內嘅呢四名賊人曾經綑綁兩名事主,又用布塞佢哋嘅口。此外,男士主被拳擊臉部數下,女事主則被踩過手臂兩次。前者後來證實左前額同左眼眶四周有瘀傷,雙手手腕則有擦傷。至於被告後來點樣被捕獲,就係喺街上被警員截停,發現佢係非法入境者不止,仲確認佢嘅指模同綑綁事主用嘅膠紙黏貼面上面搵到嘅指模一樣,不過嗰時已經係四個月之後。
背景方面,被告現年30歲,未婚,安徽省鄂西懸人,曾經接受過五年小學教育,之後四出打工。此外,佢喺香港有四次共五項前科,其中三項係非法入境,兩項係入屋犯法。刑事紀錄裡面,最後嗰兩項就反映出被告最後一次非法入境同埋喺本案發生之後再犯下嘅一項入屋犯法,為此佢總共被判入獄三年半,由09年4月開始。
求情嘅時候,律師基本上冇咩嘢好說話可講,最主要嘅就係話被告認罪。
我認為被告入侵私人處所打劫,最基本嘅量刑基準係5年,當時係深夜,佢又有同夥,期間又向事主使用暴力,就應該累進至7年。佢認罪,可以得到三分一嘅扣減,就下調至四年零八個月。
總刑期方面,根據數罪並罰不能過重嘅原則,我認為四年零八個月裡面嘅其中一年可以與被告先前被判嘅三年半同期,其他分期就可以,就係咁。