香港特別行政區 訴 黃永傑

HCCC 79/2016

香港特別行政區

高等法院

原訟法庭

刑事案件2016年第79號

----------------

----------------

--------------------------------------

判刑
以下內容乃法庭數碼錄音謄本

--------------------------------------

官：　

被告人喺席前承認一項猥褻侵犯嘅控罪，違反《刑事罪行條例》第122（1）條。

案情撮要顯示，被告人同受害人喺2007年係認識，咁首先佢哋兩人係成為朋友，喺2015年嘅時候，雙方係發展成為男女朋友嘅關係。但係喺好短嘅時間裡面，去到2015年嘅6月就已經係分咗手。

喺事發當日嘅晚上，即係2015年嘅7月20日，被告人同埋受害人係一同出席一個派對。喺派對完結之後，被告人係假裝喝醉，就要求受害人係送佢返屋企。喺返抵被告人嘅家中之後，被告人要求係受害人送佢進入睡房。喺一進入睡房之後，被告人就即刻立即就係關上睡房嘅房門，咁首先就係制服受害人，更加係對受害人係上下其手、按其胸部，亦都係強行脫下對方嘅衣服，包括係內褲。而喺呢個時候，被告人亦都係除咗自己嘅褲子，佢亦都係先後將自己嘅手指同埋陰莖接觸受害人嘅陰部，期間亦都係將佢嘅手指係插入去受害人嘅陰道裡面。雖然喺呢個過程裡面，受害人係作出反抗，同埋亦都係要求被告人係唔好咁樣樣做，但係都未能夠係阻止被告人作出呢啲嘅舉動。

本席係押後判刑，係提取受害人嘅心理報告係作呢個參考。本席有機會睇到社會福利署嘅心理專家替受害人作出嘅評估，而係所撰寫嘅心理報，正如報告嘅總結裡面所講及到，受害人嘅心理係受到相當程度嘅傷害。而當晚嘅事件，亦都不斷係喺佢嘅腦海中，係不斷咁樣樣係重現。而因為今次嘅事件，受害人亦都曾經係作出過自己傷殘--自殘嘅行動。受害人亦都係由一個過往係一個開朗外向嘅女孩子變成現在係自責，亦都係情緒低落，不時亦都係哭泣，佢亦都係好羞愧咁樣樣，係唔敢將呢件事件係同家人作出報告。

受害人係覺得今次呢，係感覺到係被朋友出賣，亦都係唔單只被出賣，更加係被侵犯。咁呢啲唔好感覺呢，毫無疑問係會影響佢嘅一生，而且佢嘅男朋友喺報章上高知悉到呢一件事之後，亦都係同佢分開，斷絕咗關係。

本席認為性罪行對一個受害人嘅心理影響呢，實際上係比使用暴力導致一個人嘅身體係出現實際嘅傷害呢，影響嘅程度係更加大嘅。縱使被告人同受害人過往曾經係有親密嘅關係，但係呢一段關係亦都係已經結束，更加係唔可以係將因為有過往親密嘅關係呢，作為干犯呢一啲控罪嘅求情理由。

被告人嘅律師喺求情嘅時候呈上多封嘅求情信，咁係被告人啲朋友同埋係親友係呈交嘅。佢哋希望法庭能夠係對被告人作出寬大處理。本席明白朋友、親戚嘅感受，亦都明白佢哋嘅希望，但係上訴法庭已經喺過往嘅案例裡面不斷咁重複講及，喺法庭係作出呢啲風化案、性侵犯案嘅量刑嘅時候呢，係需要考慮嘅因素。咁喺眾多嘅因素裡面，其中一項需要嘅就係法庭一定要係作出一個清晰嘅訊息傳遞出去，就係社會對於干犯呢一啲咁樣樣控罪嘅人嘅不齒同埋係厭惡。

喺考慮到今次嘅事件呢，係屬於被告人精心安排嘅事件。首先係誘騙受害人去到佢嘅住所，當然咁樣樣做呢，亦都係嚴重地係違反朋友對被告人嘅信任。被告人喺睡房裡面嘅侵害、侵犯受害人嘅程度，亦都係屬於非常嚴重嘅程度。被告人除咗係強按對方嘅胸部，更加係用手指同埋陰莖係接觸受害人嘅陰部，最後亦都係將手指係插入去裡面，咁佢對受害人所作出嘅心理影響雖然未係算極為嚴重，但係要忘記呢啲唔愉快嘅事呢，我相信都唔係一件咁容易嘅事。就案情而言，呢一宗案件係非常非常接近企圖強姦嘅案情。

喺考慮到以上所有嘅情節、所有嘅因素之後，本席認為合適嘅量刑起點係4年嘅即時監禁。被告人係承認控罪，可以獲得一般嘅三分之一量刑折扣。因此，就住被告人所承認嘅一項猥褻侵犯罪，佢係被判處32個月嘅即時監禁。