HCCC 139/2010
HCCC139/2010
香港特別行政區
高等法院
原訟法庭
刑事案件2010年第139號
----------------
主審法官：
高等法院法官潘敏琦
日期：
2010年6月23日上午11時06分
出席人士：
律政司高級檢控官Mr Edward Joshua Brook，代表香港特別行政區 Mr TSANG Kam-hung，由法律援助署委派的何葉律師行延聘，代表被告人
控罪：
販運危險藥物（Trafficking in a dangerous drug）
--------------------------------------
判刑 以下內容乃法庭數碼錄音謄本
官： 本案被告承認一項販運危險藥物罪，違反香港法例第134章《危險藥物條例》第4（1）（a）及（3）條。案情指被告被警員截查嘅時候逃跑，以及將佢攜帶嘅紙袋棄置。警員最後截停被告以及撿獲該紙袋，發現內有18袋嘅毒品。被告承認購入該些「K仔」，打算分拆出售。毒品經過化驗之後證實為490.83克粉末，內含392.99克嘅氯胺酮，毒品總數量當時嘅零售價係港幣58,899元。
被告現年16歲，過往有兩次嘅刑事紀錄，分別喺2007年12月20號因為盜竊罪被判12個月嘅感化令；另外喺2009年11月佢干犯咗管有危險藥物罪，而本案係該案擔保期間干犯，該案被告人係喺2010年1月7日被判到戒毒所服刑。 大律師喺求情嘅時候希望法庭可以考慮被告尚算年輕，可以網開一面輕判，待佢可以早日刑滿出獄，重投社會。大律師續指，被告即時認罪，彰顯悔意，而被告人係因為想搵快錢先至鋌而走險干犯本案。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及佢父母所撰寫嘅求情信件內容。本案係發生喺許守城案嘅新量刑指引頒發日期之後，根據呢個量刑指引，販運300至到600克嘅氯胺酮，起刑點係由9年至到12年。 就住本案所牽涉嘅392.99克氯胺酮，本席採納10年作為起刑點，予以三分之一嘅認罪扣減，判刑80個月。
被告現年16歲，過往有兩次嘅刑事紀錄，分別喺2007年12月20號因為盜竊罪被判12個月嘅感化令；另外喺2009年11月佢干犯咗管有危險藥物罪，而本案係該案擔保期間干犯，該案被告人係喺2010年1月7日被判到戒毒所服刑。
大律師喺求情嘅時候希望法庭可以考慮被告尚算年輕，可以網開一面輕判，待佢可以早日刑滿出獄，重投社會。大律師續指，被告即時認罪，彰顯悔意，而被告人係因為想搵快錢先至鋌而走險干犯本案。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及佢父母所撰寫嘅求情信件內容。本案係發生喺許守城案嘅新量刑指引頒發日期之後，根據呢個量刑指引，販運300至到600克嘅氯胺酮，起刑點係由9年至到12年。
就住本案所牽涉嘅392.99克氯胺酮，本席採納10年作為起刑點，予以三分之一嘅認罪扣減，判刑80個月。