HCCC 201/2011
HCCC201/2011
香港特別行政區
高等法院
原訟法庭
刑事案件2011年第201號
----------------
主審法官： 高等法院法官潘敏琦
日期： 2011年11月1日上午11時17分
出席人士：
Mr WONG Po-wing，為外聘律師，代表香港特別行政區 法律援助署法律援助律師Mr Francis Yip，代表被告人
控罪： [2] 亂倫（Incest）
----------------------
判刑 以下內容乃法庭數碼錄音謄本
官： 被告承認一項亂倫罪，違反香港法例第200章《刑事罪行條例》第47（1）（a）條。
被告現年37歲，本案所涉及嘅女童係佢個女。而佢同太太自2000年分手，女童到13歲嘅時候，先至獲准不時去到被告同佢現任女友嘅住所探望佢。 事發當日，女童去到探望被告，當時被告嘅女友同埋佢嘅兩名兒子均在屋內。被告建議女童上佢嘅床上休息，期間，被告同女友喺女童面前發生性行為。後來，佢女友外出之後，佢要求同佢個女發生性行為，女童雖然不願意，但係不知如何拒絕。被告同佢嘅性交過程中，並冇使用安全套，以及有射精。 本席喺判刑嘅時候，考慮咗大律師嘅求情，以及被告同埋佢家人所寫嘅求情信，亦都考慮咗背景報告，以及女童嘅心理創傷報告。 本席認為，就本案而言，以下均為判刑時不容忽視嘅因素：第一，被告身為女童嘅父親，喺女童年幼無知嘅時候，濫用自己個身分侵犯佢，行為係嚴重違反誠信；第二，女童當時只得15歲；第三，公眾對呢一類案件嘅不恥及憎厭；第四，根據女童嘅創傷報告，事發後佢學業受到影響，被侵犯嘅陰影仍然存在，片段縈繞喺佢個腦海中，成日發惡夢，覺得自己嘅身體污糟，自責冇竭力去阻止事件發生，自我形象好低，佢對自己以及他人均不信任，對被告係心存憎恨，希望佢受到應有嘅懲罰，以及佢話呢一世都唔想再見到佢嘅生父。心理學家認為，女童嘅情緒呈現由事件導致嘅抑鬱徵象，需要繼續接受心理輔導。由此可見，被告嘅作為對佢個女兒嘅負面影響至為深遠；第五，喺性交嘅過程中，被告並冇使用安全措施。 被告你認罪，免卻你嘅女兒上庭重溫經歷，呢一點係你最大嘅求情因素。但係有關你嘅報告顯示，你嘗試將責任或者部分嘅責任推卸到你嘅女兒身上，指你咁樣做係受到佢嘅引誘，本席認為你嘅悔意只係流於表面，而並非痛定思痛，無論你嘅思想、作為，均愧為人父。 未夠年齡、心智發展未完全成熟嘅女童係法例特別需要保障嘅對象，避免佢哋受到他人嘅剝削、利用。而被告你面對嘅控罪係特別要保障13至到16歲嘅女童，與呢一啲年齡嘅女童進行亂倫嘅行為，最高嘅判刑係20年，呢啲罪行嘅嚴重性係應該喺量刑嘅時候反映，阻嚇性嘅信息係清晰、明確，以及反映社會大眾對呢一啲行徑嘅不恥以及憎厭，濫用自己嘅身分侵犯未成年少女（甚至自己女兒）嘅人，不論年齡，就算過往紀錄良好，不能幸免於阻嚇性嘅刑期。 本席考慮咗陳幸育一案，該案嘅女童比本案女童年幼，事發嘅時候只有11歲。該案嘅情節亦都比本案嚴重，上訴庭確認本席喺聆訊之後判處嘅10年監禁。就本案而言，本席亦都有考慮到有利於你嘅因素，就係包括以下：呢一個只係單一嘅作為，並非早有預謀；喺過程中，亦都冇使用暴力。 本席以7年作為量刑起點。被告認罪，免卻受害人出庭作供，本席予以三分之一嘅量刑扣減之外，額外再給予兩個月嘅扣減，判刑四年半。
被告現年37歲，本案所涉及嘅女童係佢個女。而佢同太太自2000年分手，女童到13歲嘅時候，先至獲准不時去到被告同佢現任女友嘅住所探望佢。
事發當日，女童去到探望被告，當時被告嘅女友同埋佢嘅兩名兒子均在屋內。被告建議女童上佢嘅床上休息，期間，被告同女友喺女童面前發生性行為。後來，佢女友外出之後，佢要求同佢個女發生性行為，女童雖然不願意，但係不知如何拒絕。被告同佢嘅性交過程中，並冇使用安全套，以及有射精。
本席喺判刑嘅時候，考慮咗大律師嘅求情，以及被告同埋佢家人所寫嘅求情信，亦都考慮咗背景報告，以及女童嘅心理創傷報告。
本席認為，就本案而言，以下均為判刑時不容忽視嘅因素：第一，被告身為女童嘅父親，喺女童年幼無知嘅時候，濫用自己個身分侵犯佢，行為係嚴重違反誠信；第二，女童當時只得15歲；第三，公眾對呢一類案件嘅不恥及憎厭；第四，根據女童嘅創傷報告，事發後佢學業受到影響，被侵犯嘅陰影仍然存在，片段縈繞喺佢個腦海中，成日發惡夢，覺得自己嘅身體污糟，自責冇竭力去阻止事件發生，自我形象好低，佢對自己以及他人均不信任，對被告係心存憎恨，希望佢受到應有嘅懲罰，以及佢話呢一世都唔想再見到佢嘅生父。心理學家認為，女童嘅情緒呈現由事件導致嘅抑鬱徵象，需要繼續接受心理輔導。由此可見，被告嘅作為對佢個女兒嘅負面影響至為深遠；第五，喺性交嘅過程中，被告並冇使用安全措施。
被告你認罪，免卻你嘅女兒上庭重溫經歷，呢一點係你最大嘅求情因素。但係有關你嘅報告顯示，你嘗試將責任或者部分嘅責任推卸到你嘅女兒身上，指你咁樣做係受到佢嘅引誘，本席認為你嘅悔意只係流於表面，而並非痛定思痛，無論你嘅思想、作為，均愧為人父。
未夠年齡、心智發展未完全成熟嘅女童係法例特別需要保障嘅對象，避免佢哋受到他人嘅剝削、利用。而被告你面對嘅控罪係特別要保障13至到16歲嘅女童，與呢一啲年齡嘅女童進行亂倫嘅行為，最高嘅判刑係20年，呢啲罪行嘅嚴重性係應該喺量刑嘅時候反映，阻嚇性嘅信息係清晰、明確，以及反映社會大眾對呢一啲行徑嘅不恥以及憎厭，濫用自己嘅身分侵犯未成年少女（甚至自己女兒）嘅人，不論年齡，就算過往紀錄良好，不能幸免於阻嚇性嘅刑期。
本席考慮咗陳幸育一案，該案嘅女童比本案女童年幼，事發嘅時候只有11歲。該案嘅情節亦都比本案嚴重，上訴庭確認本席喺聆訊之後判處嘅10年監禁。就本案而言，本席亦都有考慮到有利於你嘅因素，就係包括以下：呢一個只係單一嘅作為，並非早有預謀；喺過程中，亦都冇使用暴力。
本席以7年作為量刑起點。被告認罪，免卻受害人出庭作供，本席予以三分之一嘅量刑扣減之外，額外再給予兩個月嘅扣減，判刑四年半。