HCCC 400/2012
香港特別行政區
高等法院
原訟法庭
刑事案件2012年第400號
----------------
----------------------
判刑 以下內容乃法庭數碼錄音謄本
官：
被告係被控一項販運毒品罪，涉及嘅係四百二十幾克嘅氯胺酮。被告承認控罪同埋同意案情。 案情就顯示，警員喺案發當日黃昏時間係截停咗被告，後來就係入屋搜查，並且喺被告手中嘅膠袋搵到有關嘅毒品，被告當時就即時係承認咗販運嘅行為。其後，被告喺錄影會面嗰時，亦都向警方陳述咗今次事件嘅背景。佢話係為咗1,000鈫去幫人販運呢啲毒品嘅。 被告人犯案嘅時間係十七歲幾，佢有三次嘅刑事紀錄，都係與毒品有關，有一次亦都係販運毒品罪嚟嘅。何大律師向法庭係講咗一個好誠懇嘅求情，佢指出，被告今次係真心反省，以後唔會再重蹈覆轍。何大律師亦都呈上咗好多封求情信，包括被告寫畀佢媽媽嘅信，同埋其他家人替佢寫嘅求情信。法庭可以見到就係被告雖然失去父親嘅照顧，但係佢母親同埋佢親人都係非常關心佢嘅，不過，如果佢自己唔珍惜、唔領情嘅話，愛佢嘅人都係無能為力嘅。 相信代表大律師已經向被告解釋過，呢類案件有上訴庭嘅判刑指引，以呢一個數量嚟講同埋呢類毒品嚟講，本席係會採用10年作為刑期起點。 被告承認控罪，可以得到三分一嘅減免，刑期係會減到六年八個月。問題係法庭應唔應該再酌量減刑，咁本席亦都花咗時間係小心考慮過。被告係份屬年輕，家庭背景亦都係值得同情嘅，但係今次已經唔係第一次嘅犯法，以往法庭都明顯係用一個較輕嘅處理辦法，希望畀機會佢，挽救被告，能夠去改過。但係呢一次被告仲係喺棄保潛逃之後再犯案。何大律師指被告今次係有決心改過，本席當然希望佢嘅講法係真誠嘅，而唔係因為想得到乜嘢輕判而講嘅說話。 被告要明白，佢做咗乜嘢事情、犯咗乜嘢案，母親同埋家人都會接受、原諒佢，但係法庭要考慮嘅，係佢嘅罪行對社會嘅影響。今次佢嘅行為係幫啲毒犯去運毒，咁樣做法令香港更多人係受害。被告經過幾次教訓都再犯，咁就算佢係比較年輕，本席喺考慮過後，亦都冇辦法搵到可以再減刑嘅理由。希望被告今次係得到一個慘痛嘅教訓，喺懲教嘅看管，同埋指導之下係重新做人。 刑期係六年八個月。
被告係被控一項販運毒品罪，涉及嘅係四百二十幾克嘅氯胺酮。被告承認控罪同埋同意案情。
案情就顯示，警員喺案發當日黃昏時間係截停咗被告，後來就係入屋搜查，並且喺被告手中嘅膠袋搵到有關嘅毒品，被告當時就即時係承認咗販運嘅行為。其後，被告喺錄影會面嗰時，亦都向警方陳述咗今次事件嘅背景。佢話係為咗1,000鈫去幫人販運呢啲毒品嘅。
被告人犯案嘅時間係十七歲幾，佢有三次嘅刑事紀錄，都係與毒品有關，有一次亦都係販運毒品罪嚟嘅。何大律師向法庭係講咗一個好誠懇嘅求情，佢指出，被告今次係真心反省，以後唔會再重蹈覆轍。何大律師亦都呈上咗好多封求情信，包括被告寫畀佢媽媽嘅信，同埋其他家人替佢寫嘅求情信。法庭可以見到就係被告雖然失去父親嘅照顧，但係佢母親同埋佢親人都係非常關心佢嘅，不過，如果佢自己唔珍惜、唔領情嘅話，愛佢嘅人都係無能為力嘅。
相信代表大律師已經向被告解釋過，呢類案件有上訴庭嘅判刑指引，以呢一個數量嚟講同埋呢類毒品嚟講，本席係會採用10年作為刑期起點。
被告承認控罪，可以得到三分一嘅減免，刑期係會減到六年八個月。問題係法庭應唔應該再酌量減刑，咁本席亦都花咗時間係小心考慮過。被告係份屬年輕，家庭背景亦都係值得同情嘅，但係今次已經唔係第一次嘅犯法，以往法庭都明顯係用一個較輕嘅處理辦法，希望畀機會佢，挽救被告，能夠去改過。但係呢一次被告仲係喺棄保潛逃之後再犯案。何大律師指被告今次係有決心改過，本席當然希望佢嘅講法係真誠嘅，而唔係因為想得到乜嘢輕判而講嘅說話。
被告要明白，佢做咗乜嘢事情、犯咗乜嘢案，母親同埋家人都會接受、原諒佢，但係法庭要考慮嘅，係佢嘅罪行對社會嘅影響。今次佢嘅行為係幫啲毒犯去運毒，咁樣做法令香港更多人係受害。被告經過幾次教訓都再犯，咁就算佢係比較年輕，本席喺考慮過後，亦都冇辦法搵到可以再減刑嘅理由。希望被告今次係得到一個慘痛嘅教訓，喺懲教嘅看管，同埋指導之下係重新做人。
刑期係六年八個月。