HCCC 258/2010
HCCC258/2010
香港特別行政區
高等法院
原訟法庭
刑事案件2010年第258號
----------------
----------------------
判刑 以下內容乃法庭數碼錄音謄本
官： 被告早於裁判法院承認過一項販運危險藥物罪，涉及以凈含毒量計127.19克海洛英，而家交由我懲處。
案情指被告與共犯廖某喺涉案單位包裝毒品，後來得悉警方喺外面埋伏，於是帶同毒品擒窗離開，途中更將部分毒品掟入樓下一個單位，之後成功逃脫，直至事後九個月先畀警方係捕獲嘅。 被告現年48歲，香港出生及受教育至小六程度，之後做過地盤工人、貨車司機，自08年開始失業。此外，佢已婚，與太太同一個5歲嘅女兒同住，本年9月又剛添咗一名男孩。 前科方面，佢有十次共四十一項定罪紀錄，其中有四項藏毒，一項販運，販運嗰項係上月（即係9月9號）宣判嘅，編號DCCC 555/2009，刑期係40個月。睇番有關嘅案情撮要，就應該係扣減三分一之後而得出嘅結果，不過如果對番個時間，本案就應該係被告因DCCC 555/09保釋在外嘅期間而干犯嘅，而且佢喺DCCC 555/09亦冇按時歸押，結果犯下本案，最後法庭係要出呢一個手令嘅。 求情嘅時候，律師其實係冇乜特別嘢可以講㗎喇，都只係話被告認罪，冇嘥法庭時間云云。觀乎涉案毒品嘅數量，我認為一個合適嘅量刑基準係10年，被告認罪，可得三分一嘅扣減，就下調至80個月，亦即係六年零八個月。此外，有鑒於DCCC 555/09嘅干犯時間同情節，我會下令本案嘅18個月，同DCCC 555/09嘅刑期分期執行，其餘同期，呢個已經係考慮到數罪並罰，不能過重呢個原則㗎喇。
案情指被告與共犯廖某喺涉案單位包裝毒品，後來得悉警方喺外面埋伏，於是帶同毒品擒窗離開，途中更將部分毒品掟入樓下一個單位，之後成功逃脫，直至事後九個月先畀警方係捕獲嘅。
被告現年48歲，香港出生及受教育至小六程度，之後做過地盤工人、貨車司機，自08年開始失業。此外，佢已婚，與太太同一個5歲嘅女兒同住，本年9月又剛添咗一名男孩。
前科方面，佢有十次共四十一項定罪紀錄，其中有四項藏毒，一項販運，販運嗰項係上月（即係9月9號）宣判嘅，編號DCCC 555/2009，刑期係40個月。睇番有關嘅案情撮要，就應該係扣減三分一之後而得出嘅結果，不過如果對番個時間，本案就應該係被告因DCCC 555/09保釋在外嘅期間而干犯嘅，而且佢喺DCCC 555/09亦冇按時歸押，結果犯下本案，最後法庭係要出呢一個手令嘅。
求情嘅時候，律師其實係冇乜特別嘢可以講㗎喇，都只係話被告認罪，冇嘥法庭時間云云。觀乎涉案毒品嘅數量，我認為一個合適嘅量刑基準係10年，被告認罪，可得三分一嘅扣減，就下調至80個月，亦即係六年零八個月。此外，有鑒於DCCC 555/09嘅干犯時間同情節，我會下令本案嘅18個月，同DCCC 555/09嘅刑期分期執行，其餘同期，呢個已經係考慮到數罪並罰，不能過重呢個原則㗎喇。