HCCC 380/2011
HCCC380/2011
香港特別行政區
高等法院
原訟法庭
刑事案件2011年第380號
----------------
主審法官： 高等法院法官潘敏琦
日期： 2011年12月13日上午9時43分
出席人士：
律師司高級檢控官Miss Rosaline Leung，代表香港特別行政區 Mr Terence Wai，由法律援助署委派的曾憲文律師事務所延聘， 代表被告人
控罪： 販運危險藥物（Trafficking in a dangerous drug）
----------------------
判刑
以下內容乃法庭數碼錄音謄本
官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，警員喺街上截查被告，發現佢個手提袋內有一包毒品。被告承認佢管有氯胺酮，係兩日前喺旺角購買，已經帶同該些毒品，流連喺網吧兩日。 毒品經過化驗之後，證實為246.07克嘅粉末內含182.55克嘅氯胺酮，而毒品總數量當時嘅零售價係港幣27,805元。 被告現年26歲，過往有一項嘅刑事紀錄。喺2003年9月，因為傷人罪，被判到教導所服刑，喺2006年9月獲釋。 大律師喺求情嘅時候表示，被告母親久病，佢因為照顧母親，飽受壓力之下，先至染上毒癮，鋌而走險，干犯本案。佢已經深感後悔，認罪彰顯佢嘅悔意，以及意欲憑藉認罪，樹立對年幼兒子嘅榜樣，希望本席能夠寬大處理。 本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告承認控罪以及大律師嘅求情。根據指引，販運50至到300克嘅氯胺酮，起刑點由6年至到9年。 就本案接近200克嘅氯胺酮，本席採用8年嘅起刑點，予以三分之一嘅認罪扣減，判刑64個月。
案情指，警員喺街上截查被告，發現佢個手提袋內有一包毒品。被告承認佢管有氯胺酮，係兩日前喺旺角購買，已經帶同該些毒品，流連喺網吧兩日。
毒品經過化驗之後，證實為246.07克嘅粉末內含182.55克嘅氯胺酮，而毒品總數量當時嘅零售價係港幣27,805元。
被告現年26歲，過往有一項嘅刑事紀錄。喺2003年9月，因為傷人罪，被判到教導所服刑，喺2006年9月獲釋。
大律師喺求情嘅時候表示，被告母親久病，佢因為照顧母親，飽受壓力之下，先至染上毒癮，鋌而走險，干犯本案。佢已經深感後悔，認罪彰顯佢嘅悔意，以及意欲憑藉認罪，樹立對年幼兒子嘅榜樣，希望本席能夠寬大處理。
本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告承認控罪以及大律師嘅求情。根據指引，販運50至到300克嘅氯胺酮，起刑點由6年至到9年。
就本案接近200克嘅氯胺酮，本席採用8年嘅起刑點，予以三分之一嘅認罪扣減，判刑64個月。