HCCC 177/2010
HCCC177/2010
香港特別行政區
高等法院
原訟法庭
刑事案件2010年第177號
----------------
主審法官：高等法院法官湯寶臣
日期：2010年7月27日上午9時52分
出席人士：
律政司高級檢控官高寶翠女士，代表香港特別行政區
謝漢源先生，由法律援助署委派的Chan, Wong & Lam律師行延聘，代表被告人
控罪：[1] 至 [3] 盜竊罪（Theft）
--------------------------------------------
判刑 以下內容乃法庭數碼錄音謄本
官： 被告被控一共三項嘅控罪，即係盜竊同埋兩項嘅搶劫罪，被告係認罪同埋同意控方嘅案情撮要。案情顯示，被告先喺2009年8月喺一間遊戲機舖裡面係偷咗一名男士嘅肩袋同埋三十五個代幣，之後佢係未能夠逃脫，而係被警方拘捕。
兩個月之後嘅11月中，亦都係被告被批准擔保嘅時間之中，以控方所講，佢係冇依照時間係應訊而係棄保嘅。 被告喺11月17日用一支螺絲批喺停車場裡面係指嚇一名女士，要對方攞晒啲錢出嚟，之後就攞咗對方嘅手提電話，然後就逃跑。 又到咗12月尾，被告喺沙田乙明邨嘅行人隧道口係從後面箍住女途人嘅頸，再用剪刀橫架喺佢嘅頸部聲稱打劫。被告搶咗該名女途人嘅手袋之後係逃走咗，但係被警員截停同埋拘捕。 被告今年29歲，係喺內地出生，84年嚟咗香港，佢有十幾次嘅刑事紀錄。喺求情嘅時間，代表大律師係指出，被告係已婚，妻子喺內地生活，被告係因為生活嘅困難而做出呢啲犯法嘅行為，幸而受害人係冇受傷，而佢妻子都係依然關心佢，希望可以同佢早日見面嘅。 被告係喺擔保期間連續犯案，佢用利器指嚇途人，雖然佢冇用好大嘅武力話真係傷害到對方，但係必定亦都對令受害人會係受到好大嘅驚嚇。 除咗被告係承認控罪呢一點，本席亦都睇唔到有乜嘢其他嘅求情因素。喺考慮過案情同埋案例之後，本席係會以6個月、5年同埋5年作為刑期嘅起點。扣減三分一之後，刑期會變咗係4個月、40個月同埋40個月。考慮到整體刑期呢方面嘅原則，本席決定下令第一、二項刑期係同期執行，第三項嘅刑期嘅18個月則與第一同第二項嘅刑期係分期執行，最後刑期會係58個月。
兩個月之後嘅11月中，亦都係被告被批准擔保嘅時間之中，以控方所講，佢係冇依照時間係應訊而係棄保嘅。
被告喺11月17日用一支螺絲批喺停車場裡面係指嚇一名女士，要對方攞晒啲錢出嚟，之後就攞咗對方嘅手提電話，然後就逃跑。
又到咗12月尾，被告喺沙田乙明邨嘅行人隧道口係從後面箍住女途人嘅頸，再用剪刀橫架喺佢嘅頸部聲稱打劫。被告搶咗該名女途人嘅手袋之後係逃走咗，但係被警員截停同埋拘捕。
被告今年29歲，係喺內地出生，84年嚟咗香港，佢有十幾次嘅刑事紀錄。喺求情嘅時間，代表大律師係指出，被告係已婚，妻子喺內地生活，被告係因為生活嘅困難而做出呢啲犯法嘅行為，幸而受害人係冇受傷，而佢妻子都係依然關心佢，希望可以同佢早日見面嘅。
被告係喺擔保期間連續犯案，佢用利器指嚇途人，雖然佢冇用好大嘅武力話真係傷害到對方，但係必定亦都對令受害人會係受到好大嘅驚嚇。
除咗被告係承認控罪呢一點，本席亦都睇唔到有乜嘢其他嘅求情因素。喺考慮過案情同埋案例之後，本席係會以6個月、5年同埋5年作為刑期嘅起點。扣減三分一之後，刑期會變咗係4個月、40個月同埋40個月。考慮到整體刑期呢方面嘅原則，本席決定下令第一、二項刑期係同期執行，第三項嘅刑期嘅18個月則與第一同第二項嘅刑期係分期執行，最後刑期會係58個月。