HCCC 465/2011
HCCC465/2011
香港特別行政區
高等法院
原訟法庭
刑事案件2011年第465號
----------------
----------------------
判刑 以下內容乃法庭數碼錄音謄本
官：
被告人被控一項販運危險毒品罪嘅。被告承認控罪，亦都同意控方嘅案情撮要。 咁其實案情就唔複雜嘅。被告人喺2011年6月28日，從落馬洲管制站入境嘅時間，係被海關關員截停做檢查，後來關員喺佢身上搵到有毒品。被告就承認毒品係屬於佢嘅，而佢仲有啲毒品喺體內。咁被告被送往醫院之後，再排出其他嘅毒品。 被告喺做會面紀錄嘅時間，有講出犯呢件案嘅背景同埋涉案嘅人物。化驗之後，驗到呢件案嘅毒品係22.73克海洛英同埋38.72克呢個「冰」毒，市值大約為四萬七鈫。 被告係有十多次嘅刑事紀錄喇，其中包括與毒品有關嘅定罪。 被告今年47歲，已婚，係做裝修工人嘅，亦都有一個12歲嘅女兒。 喺辯方嘅要求之下，本席曾經將案押後畀辯方向控方提出一啲嘅事情。咁喺呢一方面，辯方已經將有關嘅發展情況，向法庭呈交咗書面嘅報告。控方亦都以書面形式，表達咗佢哋嘅立場，咁因為資料性質嘅問題，本席就唔再進一步探討喇。但係閱讀咗有關呢啲資料之後，本席同意，不論被告嘅動機係點樣，佢已經係做咗佢個人可以做嘅事情，而佢有機會可以做嘅，本席相信佢都係會履行嘅，但係現時因為某啲原因，被告就未能夠完成所有嘅程序。喺咁嘅情況之下，本席就始終唔能夠將判刑扣減足五成嘅，但係如果喺本席判刑之後，被告有機會履行其他承諾嘅話，咁視乎情況同埋結果，佢可以再向行政部門係作出要求嘅。 本案涉及兩種嘅毒品（即係「冰」同埋海洛英），咁本席係會以較嚴重嘅「冰」嘅份量作為計算刑罰基準，然後因為其他毒品嘅份量，而將基準係調整。 考慮到案例指引之後，本席會以八年半作為「冰」毒嘅基準，再向上調整至10年。因為被告嘅認罪同埋特別嘅求情因素，本席會給予百分之四十五嘅整體扣減。咁因此刑期會係五年半。
被告人被控一項販運危險毒品罪嘅。被告承認控罪，亦都同意控方嘅案情撮要。
咁其實案情就唔複雜嘅。被告人喺2011年6月28日，從落馬洲管制站入境嘅時間，係被海關關員截停做檢查，後來關員喺佢身上搵到有毒品。被告就承認毒品係屬於佢嘅，而佢仲有啲毒品喺體內。咁被告被送往醫院之後，再排出其他嘅毒品。
被告喺做會面紀錄嘅時間，有講出犯呢件案嘅背景同埋涉案嘅人物。化驗之後，驗到呢件案嘅毒品係22.73克海洛英同埋38.72克呢個「冰」毒，市值大約為四萬七鈫。
被告係有十多次嘅刑事紀錄喇，其中包括與毒品有關嘅定罪。
被告今年47歲，已婚，係做裝修工人嘅，亦都有一個12歲嘅女兒。
喺辯方嘅要求之下，本席曾經將案押後畀辯方向控方提出一啲嘅事情。咁喺呢一方面，辯方已經將有關嘅發展情況，向法庭呈交咗書面嘅報告。控方亦都以書面形式，表達咗佢哋嘅立場，咁因為資料性質嘅問題，本席就唔再進一步探討喇。但係閱讀咗有關呢啲資料之後，本席同意，不論被告嘅動機係點樣，佢已經係做咗佢個人可以做嘅事情，而佢有機會可以做嘅，本席相信佢都係會履行嘅，但係現時因為某啲原因，被告就未能夠完成所有嘅程序。喺咁嘅情況之下，本席就始終唔能夠將判刑扣減足五成嘅，但係如果喺本席判刑之後，被告有機會履行其他承諾嘅話，咁視乎情況同埋結果，佢可以再向行政部門係作出要求嘅。
本案涉及兩種嘅毒品（即係「冰」同埋海洛英），咁本席係會以較嚴重嘅「冰」嘅份量作為計算刑罰基準，然後因為其他毒品嘅份量，而將基準係調整。
考慮到案例指引之後，本席會以八年半作為「冰」毒嘅基準，再向上調整至10年。因為被告嘅認罪同埋特別嘅求情因素，本席會給予百分之四十五嘅整體扣減。咁因此刑期會係五年半。