被告人符婕被控一項販運危險藥物罪，違反香港法例第134章《危險藥物條例》第4（1）（a）及4（3）條。
罪行詳情指，被告人於2013年5月9日，在香港九龍紅磡美景街19號3樓B室，非法販運危險藥物，即內含15.66克甲基苯丙胺鹽酸鹽的20.05克晶狀固體。
被告人承認控罪，並同意控方所備就的案情撮要。根據案情撮要，2013年5月9日，警務人員在香港九龍紅磡美景街19號3樓與4樓梯間截停被告人，被告人被查問時透露她居於大廈3樓B室。搜身後，發現被告人管有一束鎖匙，警務人員執行搜查令，利用被告人身上找到的其中一條鎖匙嘗試開啟該B室木門，但發覺木門被人從屋內鎖上，警務人員表明警方身分，兩度要求開門不果便破門而入。
在該B室內發現一名男子，他身上並無非法物品。警方搜查該B室，在床邊櫃發現被鎖上嘅櫃桶，用被告人管有的其中一條鎖匙開啟上鎖嘅櫃桶，裡面有四個小包載有內含15.66克甲基苯丙胺鹽酸鹽的共20.05克晶狀固體，呢個毒品係俗稱「冰」嘅、有五片內含0.02克硝甲西泮嘅片劑、一個電子磅、多個可再封口透明膠袋同埋兩個打火機。
被告人於現場被拘捕，在警誡之下，表示涉案嘅「冰」同埋「五仔」係屬於佢嘅，與其男朋友（即是室內嘅男子）無關。喺其後嘅警誡錄影會面之中，被告人確認在現場作出嘅口頭承認，並再講咗一啲事情，其中包括電子磅係用來檢查危險藥物嘅重量，以及只有佢先至可以上鎖櫃桶嘅鎖匙，佢承認自己同埋男朋友係涉案單位嘅唯一佔用人。案中撿獲嘅「冰」毒估計喺2013年5月，喺香港嘅零售價係約為港幣一萬二千鈫，被告人而家承認案發時管有被撿獲嘅「冰」作販運用途。
被告人喺1969年喺國內出生，95年就嚟香港，現年係44歲。佢有兩個犯罪前科，分別係1997年同埋1999年被判罪嘅各一項賭博罪，罰款係500鈫同埋800鈫，兩個前科同毒品罪行係完全無關嘅。喺被告人嘅經歷口供之中，被告人指出佢有吸食毒品「冰」嘅習慣。
代表被告人嘅馬大律師向本席求情，要求輕判被告人，而亦都提交咗三封求情嘅信，一封係被告人、一封係被告人嘅女兒、一封係被告人嘅妹妹寫，但係販運毒品係一項好嚴重嘅罪行，被告人嘅身世、背景多數係唔能夠構成求情嘅因素。
根據Sentencing in Hong Kong第6版，即是話香港判刑嘅書本第6版第681頁至到682頁第(19)段所援引嘅AG v Ching Kwok Hung，係程國雄一案，係reported喺[1991] 2 HKLR 125嘅案中，該案係販運「冰」毒嘅判刑指引嚟，販運10至70克「冰」毒嘅適當判刑係7至10年監禁。本案所涉嘅「冰」毒純重量係15.66克，按上述判刑指引，適當嘅刑期應該係七年半監禁。但根據馬大律師嘅陳詞，本案所涉嘅「冰」毒，被告人約有三分之一係用嚟自用嘅，而其中三分二先至係用嚟販運嘅，而代表答辯人嘅張大律師亦都同意咁嘅講法。馬大律師亦都援引咗HKSAR v Wong Suet Hau and other（[2002] 1 HKLRD 69）同埋係香港特別行政區訴周俊生，就係（[2012] 2 HKLRD 1116）兩個案例指出，減刑理由之一係全部或者部分毒品供被告人自用，減刑嘅幅度應為基本量刑基準嘅10個per cent至到25個per cent，實際嘅幅度係按個別案件嘅情況而定。
本席考慮到馬大律師替被告人力陳要求輕判嘅理由，認為適當嘅量刑基準係7年監禁，被告人認罪，可以得到扣減刑期三分之一，因此本席係判處被告人四年八個月監禁。