HCCC 216/2011
HCCC216/2011
香港特別行政區
高等法院
原訟法庭
刑事案件2011年第216號
----------------
----------------------
判刑 以下內容乃法庭數碼錄音謄本
官： 呢一件案裡面，被告係承認咗一項販運危險藥物罪嘅，並同意控方嘅案情。
案情撮要係指出，被告喺落馬洲過關嘅時候被截停，關員就進行微粒測試之後，發現佢嘅物品有毒品痕跡，咁被告就被送到醫院之後，佢排出四小包嘅「冰」毒。喺警誡下，被告話佢係打算從內地將「冰」毒帶返嚟香港，會喺旺角同人哋交收。經化驗後，毒品證實咗係「冰」毒，共重就係149.35克，零售價係十萬幾港幣。 被告今年38歲，有八次嘅刑事紀錄，有兩次係與毒品有關，98年曾經係因販毒，而被判監10年。 咁律師喺求情嘅時間係主要指出，被告係因為經濟嘅問題，而係干犯有關嘅控罪。佢亦都澄清咗少少有關於被告嘅家庭狀況同埋背景，咁代表大律師亦都指出，被告嘅爸爸早前係過咗身，咁佢亦都呈交咗兩份呢個求情信，係畀法庭參考嘅。 咁根據程國雄嘅案例，以呢個數量嘅毒品，法庭應該係判10至到14年嘅呢個範圍。 考慮到被告個背景同埋毒品嘅份量，咁本席會以十一年半作為刑期嘅起點，扣除三分一之後，刑期係七年八個月，咁除此之外，本席都睇唔到其他有效嘅求情因素。 刑期係七年八個月。
案情撮要係指出，被告喺落馬洲過關嘅時候被截停，關員就進行微粒測試之後，發現佢嘅物品有毒品痕跡，咁被告就被送到醫院之後，佢排出四小包嘅「冰」毒。喺警誡下，被告話佢係打算從內地將「冰」毒帶返嚟香港，會喺旺角同人哋交收。經化驗後，毒品證實咗係「冰」毒，共重就係149.35克，零售價係十萬幾港幣。
被告今年38歲，有八次嘅刑事紀錄，有兩次係與毒品有關，98年曾經係因販毒，而被判監10年。
咁律師喺求情嘅時間係主要指出，被告係因為經濟嘅問題，而係干犯有關嘅控罪。佢亦都澄清咗少少有關於被告嘅家庭狀況同埋背景，咁代表大律師亦都指出，被告嘅爸爸早前係過咗身，咁佢亦都呈交咗兩份呢個求情信，係畀法庭參考嘅。
咁根據程國雄嘅案例，以呢個數量嘅毒品，法庭應該係判10至到14年嘅呢個範圍。
考慮到被告個背景同埋毒品嘅份量，咁本席會以十一年半作為刑期嘅起點，扣除三分一之後，刑期係七年八個月，咁除此之外，本席都睇唔到其他有效嘅求情因素。
刑期係七年八個月。