HCCC 120/2012
HCCC120/2012
香港特別行政區
高等法院
原訟法庭
刑事案件2012年第120號
----------------
主審法官： 高等法院法官彭偉昌
日期： 2012年10月8日上午10時39分
出席人士：
律政司高級檢控官布偉倫先生，代表香港特別行政區 林明耀先生，由Raymond Chan, Kenneth律師行延聘，代表被告人
控罪： 販運危險藥物（Trafficking in a dangerous drug）
----------------------
判刑 以下內容乃法庭數碼錄音謄本
官：
被告承認一項販運危險藥物罪，涉及以淨含毒量計155.63克嘅氯胺酮。 案發時，警方登上一艘停泊喺香港仔避風塘嘅漁船，搜查之後，發現涉案毒品同埋電子磅同可再封口膠袋呢啲咁嘅工具，經詢問之後，被告自認為物主。警誡下，佢承認於當天較早時間購入嗰批氯胺酮，目的係轉售圖利。此外，警方喺其中一個裝有毒品嘅膠袋亦搵到被告嘅指模。 被告現年21歲，香港出生及受教育至中三程度，之後讀過職業學校，工作方面則全屬藍領嘅性質。佢有四項同五次前科，無一與本案相同，然而，從一個佢嘅刑事定罪紀錄可見，本案發生於佢第二同第三項前科定罪前嘅保釋期間，亦即係話雖然係有官司喺身，佢都未知收斂嘅。相反，佢第四同第五項前科（刑事毀壞同埋身為三合會嘅成員）嘅罪行又發生喺本案嘅事實之後，亦即係變本加厲嘅。就算喺現在，佢喺我席前，佢亦都否認嗰個黑色嘅電子磅同可再封膠袋係佢嘅，只係唔知點解，係警察登船嗰時混亂中畀其他人放進同一個黑色嘅大袋裡面嘅啫，呢個我認為係極難接受嘅一個講法，係完全冇可信性嘅。 不過就算係咁，律師喺求情嗰陣時都指，被告因為最後定罪嘅其中一個感化嘅條件係要入戒毒所，期間就進度甚好，就竟然要求我去攞一個所謂叫做進度報告，就希望有另外嘅方法處理，我認為呢個完全係不設實際嘅。反觀，被告到到如今喺席上，喺我席前都毫無悔意嘅。 觀乎涉案毒品嘅數量，我認為7年係一個合適嘅量刑基準。被告認罪，可得三分一嘅扣減，就下調至四年零八個月，之後佢冇任何有效嘅求情因素，數字就維持喺呢個水平。 我宣判，被告需要為本案入獄四年零八個月。
被告承認一項販運危險藥物罪，涉及以淨含毒量計155.63克嘅氯胺酮。
案發時，警方登上一艘停泊喺香港仔避風塘嘅漁船，搜查之後，發現涉案毒品同埋電子磅同可再封口膠袋呢啲咁嘅工具，經詢問之後，被告自認為物主。警誡下，佢承認於當天較早時間購入嗰批氯胺酮，目的係轉售圖利。此外，警方喺其中一個裝有毒品嘅膠袋亦搵到被告嘅指模。
被告現年21歲，香港出生及受教育至中三程度，之後讀過職業學校，工作方面則全屬藍領嘅性質。佢有四項同五次前科，無一與本案相同，然而，從一個佢嘅刑事定罪紀錄可見，本案發生於佢第二同第三項前科定罪前嘅保釋期間，亦即係話雖然係有官司喺身，佢都未知收斂嘅。相反，佢第四同第五項前科（刑事毀壞同埋身為三合會嘅成員）嘅罪行又發生喺本案嘅事實之後，亦即係變本加厲嘅。就算喺現在，佢喺我席前，佢亦都否認嗰個黑色嘅電子磅同可再封膠袋係佢嘅，只係唔知點解，係警察登船嗰時混亂中畀其他人放進同一個黑色嘅大袋裡面嘅啫，呢個我認為係極難接受嘅一個講法，係完全冇可信性嘅。
不過就算係咁，律師喺求情嗰陣時都指，被告因為最後定罪嘅其中一個感化嘅條件係要入戒毒所，期間就進度甚好，就竟然要求我去攞一個所謂叫做進度報告，就希望有另外嘅方法處理，我認為呢個完全係不設實際嘅。反觀，被告到到如今喺席上，喺我席前都毫無悔意嘅。
觀乎涉案毒品嘅數量，我認為7年係一個合適嘅量刑基準。被告認罪，可得三分一嘅扣減，就下調至四年零八個月，之後佢冇任何有效嘅求情因素，數字就維持喺呢個水平。
我宣判，被告需要為本案入獄四年零八個月。