HCCC 102/2009
HCCC102/2009
香港特別行政區
高等法院
原訟法庭
刑事案件2009年第102號
----------------
--------------------------------------------
判刑 以下內容乃法庭數碼錄音謄本
官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，警員巡至一單位，聽到嘈雜聲，發現被告與兩男兩女喺該單位外，警員調查後，發現該單位係被告嘅住所，並且喺佢個手提包內，發現三個可再封口嘅膠袋，內有危險藥物，以及一個煙盒，內有五個錫紙封包，內含共二十件俗聲「偉哥」嘅片劑。被告喺警誡下稱，所有嘅藥物屬佢所有，而危險藥物係供佢自用嘅，毒品經過化驗之後，證實為19.11克晶狀固體，內含18.18克甲基苯丙胺鹽酸鹽，市值大約10,758港元。
被告現年41歲，之前並冇刑事紀錄。大律師指佢喺泰國出生，95年與港人結婚，移居香港。喺99年與丈夫分居，及後與另一男子同居。而被告自2007年開始染上吸服「冰」毒嘅習慣，而今次嘅事件係由於現任男友叫佢幫忙販運「冰」毒而導致嘅。大律師指，被告喺泰國嘅家庭家境貧困，佢係家中嘅經濟支柱，今次係因為受男友唆擺，先至鋌而走險，現今已經深感後悔，坦白認罪，彰顯悔意，希望法庭能夠從輕發落，予以一個較低嘅起刑點。
本席喺量刑嘅時候，考慮咗本案嘅案情、毒品嘅種類、重量，以及有關嘅量刑指引、被告承認控罪同埋大律師嘅求情。本案所涉嘅毒品係「冰」毒，根據有關嘅販運「冰」毒量刑指引，10至到70克嘅「冰」毒，起刑點係7至到10年。
就有關嘅18.18克嘅「冰」毒，本席認為七年半嘅起刑點係合適嘅，令本席認為本案存在住予以三分之一認罪扣減外可給予額外扣減嘅特殊因素，判刑4年。