HCCC 382/2011
HCCC382/2011
香港特別行政區
高等法院
原訟法庭
刑事案件2011年第382號
----------------
---------------------------------------
判刑 以下內容乃法庭數碼錄音謄本
官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指警員喺一梯間發現被告手持一個膠袋，形跡可疑，截查佢嘅時候發現膠袋內有一袋毒品。被告承認取得嗰啲「K仔」打算出售。警員亦都喺被告嘅單位搜獲包裝毒品用嘅電子磅以及四十九個可再封口膠袋，被告承認佢會分拆出售有關嘅毒品。毒品經過化驗後證實為486.26克粉末，內含361.49克氯胺酮，當時嘅零售價為港幣54,947元。 被告現年21歲，有兩次涉及管有危險藥物嘅刑事紀錄，喺2009年12月30日被判兩年嘅感化令。佢干犯本案係違反咗感化令。 大律師喺求情嘅時候表示，被告喺干犯咗上兩次牽涉危險藥物嘅控罪之後曾經參與福音戒毒，可惜其後又因為工作壓力以及失業再次染上毒癮。干犯本案嘅時候佢已經獲得一青少年戒毒中心批准入住進行戒毒療程，但係因為需要繳付一筆為數不少嘅費用，先至會不顧後果鋌而走險，干犯本案籌募經費。佢已經非常後悔，大律師希望本席能夠予以輕判。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及福音戒毒所嘅牧師同埋佢嘅僱主所撰寫嘅求情信。根據許守城案嘅量刑指引，販運300至到600克氯胺酮嘅起刑點係9年至12年，就住本案所涉及嘅361.49克嘅氯胺酮，本席採納九年半嘅起刑點，予以三分之一嘅認罪扣減，判刑76個月。另外違反感化令一事不另作處理。
案情指警員喺一梯間發現被告手持一個膠袋，形跡可疑，截查佢嘅時候發現膠袋內有一袋毒品。被告承認取得嗰啲「K仔」打算出售。警員亦都喺被告嘅單位搜獲包裝毒品用嘅電子磅以及四十九個可再封口膠袋，被告承認佢會分拆出售有關嘅毒品。毒品經過化驗後證實為486.26克粉末，內含361.49克氯胺酮，當時嘅零售價為港幣54,947元。
被告現年21歲，有兩次涉及管有危險藥物嘅刑事紀錄，喺2009年12月30日被判兩年嘅感化令。佢干犯本案係違反咗感化令。
大律師喺求情嘅時候表示，被告喺干犯咗上兩次牽涉危險藥物嘅控罪之後曾經參與福音戒毒，可惜其後又因為工作壓力以及失業再次染上毒癮。干犯本案嘅時候佢已經獲得一青少年戒毒中心批准入住進行戒毒療程，但係因為需要繳付一筆為數不少嘅費用，先至會不顧後果鋌而走險，干犯本案籌募經費。佢已經非常後悔，大律師希望本席能夠予以輕判。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及福音戒毒所嘅牧師同埋佢嘅僱主所撰寫嘅求情信。根據許守城案嘅量刑指引，販運300至到600克氯胺酮嘅起刑點係9年至12年，就住本案所涉及嘅361.49克嘅氯胺酮，本席採納九年半嘅起刑點，予以三分之一嘅認罪扣減，判刑76個月。另外違反感化令一事不另作處理。