香港特別行政區 訴 李志成

HCCC409/2011

香港特別行政區

高等法院

原訟法庭

刑事案件2011年第409號

----------------

----------------

----------------------

判刑
以下內容乃法庭數碼錄音謄本

----------------------

官：　

本案嘅被告係面對一項販運毒品罪，涉案嘅係210克嘅氯胺酮，被告否認控罪。經過三日嘅審訊之後，被告係被陪審員係裁定罪名成立，比數係六比一。

被告今年28歲，同家人同住，睇嚟佢同家人嘅關係都應該係良好，因為審訊期間，父母似乎都係日日有出庭相伴。被告涉及咁嚴重嘅毒品案，令到佢年紀大嘅雙親日日要出庭相伴，咁佢都應該係有愧於心。

其實關大律師就已經明顯係盡咗力，係絞盡腦汁係替被告去作辯護，但係被定罪之後，正如關大律師所講，再可以替被告講嘅事情就唔係好多，或者只能夠係替佢講嘅就係話，喺正式審訊嘅時間，被告冇上庭作供，令呢個審訊係進一步延誤。

無論如何，本席已經考慮過有關案例，即係SJ v Hui Siew Cheng（[2009] 1 HKLRD）嘅案例。如果單以數學方式嘅逐年計算，辯方都話計到係七年九個月。但係經考慮後，以整體情況考慮，本席最終決定判以七年半嘅監禁。被告依然年輕，希望喺服刑之後係可以重新開始。