HCCC 314/2011
HCCC314/2011
香港特別行政區
高等法院
原訟法庭
刑事案件2011年第314號
----------------
主審法官： 高等法院法官潘敏琦
日期： 2011年11月21日上午9時48分
出席人士：
律政司高級檢控官Mr Franco Kuan，代表香港特別行政區 Mr C.S. Fu，由法律援助署委派的區殿霞律師行延聘，代表被告人
控罪： 企圖搶劫罪（Attempted robbery）
----------------------
判刑 以下內容乃法庭數碼錄音謄本
官： 被告承認一項企圖搶劫罪，違反香港法例第210章《盜竊罪條例》第10（1）及（2）條，以及第200章《刑事罪行條例》第159G條。
案情指被告與另一人喺凌晨時分，喺街上行劫兩名喺附近醫院工作嘅男女護士，另一名男子係以手箍女護士嘅頸，並以刀架喺佢頸上，將佢拖行過馬路。雖然女護士答應畀錢佢，佢仍然繼續將女護士拖行，期間佢掙扎，被割傷，而被告則以水果刀指嚇男護士，將佢推倒喺地上。後來兩名受害人自己登上一部的士返番醫院治理，被告與另一人稍後被發現，但另一人逃脫。 警員喺被告嘅背包搵到一把12吋長嘅刀、一卷膠紙、一對襪，以及兩個避孕套。被告指另外一人先係主腦，佢哋兩個人係兩日前從深圳來到香港，佢承認有用刀攔住男護士，並且參與搶劫路費返去中國大陸。 女護士嘅下巴、頸、右手腕、手背、中指、左手掌同埋第四隻手指均有裂傷，而手指側邊有一小部分失去感覺，另外佢嘅右下膝蓋、左上眼簾、下唇有擦傷，而男護士嘅雙手同埋盤骨有多處擦傷。 被告現年31歲，之前喺香港並冇刑事紀錄，曾經加入中國海軍陸戰隊南海艦隊，退役之後任職外判承辦嘅城管局至今。大律師指，佢係賺1,500鈫人民幣一個月嘅，其中每一個月給予佢母親同埋兒子1,000鈫作為生活費。 大律師喺求情嘅時候指，本案最大嘅求情因素係被告坦白認罪，希望本席考慮呢一點，予以輕判。 本席喺量刑嘅時候考慮咗本案嘅案情、大律師嘅求情、量刑指引、被告認罪。根據茆廣生案，被告人喺行劫嘅時候，曾經向受害人亮出刀或利器，一般嘅起刑點係5年嘅監禁，多於一人嘅糾黨深夜行劫屬罪加一等嘅因素，上訴庭建議刑期應該因此因素而往上調。另外，上訴法庭喺梁乃根（譯音）以及周振怡（譯音）兩案中亦都指出，從內地進入香港作出嚴重嘅罪行，亦都係令案情情節嚴重嘅因素。另外喺本案中，女護士喺答應畀錢之後仍然被拖行，即係受害人有受到不必要嘅暴力對待。 本席認為綜合所有嘅因素，一個7年嘅起刑點係適合嘅，予以三分之一嘅認罪扣減，判刑56個月，即係四年八個月。
案情指被告與另一人喺凌晨時分，喺街上行劫兩名喺附近醫院工作嘅男女護士，另一名男子係以手箍女護士嘅頸，並以刀架喺佢頸上，將佢拖行過馬路。雖然女護士答應畀錢佢，佢仍然繼續將女護士拖行，期間佢掙扎，被割傷，而被告則以水果刀指嚇男護士，將佢推倒喺地上。後來兩名受害人自己登上一部的士返番醫院治理，被告與另一人稍後被發現，但另一人逃脫。
警員喺被告嘅背包搵到一把12吋長嘅刀、一卷膠紙、一對襪，以及兩個避孕套。被告指另外一人先係主腦，佢哋兩個人係兩日前從深圳來到香港，佢承認有用刀攔住男護士，並且參與搶劫路費返去中國大陸。
女護士嘅下巴、頸、右手腕、手背、中指、左手掌同埋第四隻手指均有裂傷，而手指側邊有一小部分失去感覺，另外佢嘅右下膝蓋、左上眼簾、下唇有擦傷，而男護士嘅雙手同埋盤骨有多處擦傷。
被告現年31歲，之前喺香港並冇刑事紀錄，曾經加入中國海軍陸戰隊南海艦隊，退役之後任職外判承辦嘅城管局至今。大律師指，佢係賺1,500鈫人民幣一個月嘅，其中每一個月給予佢母親同埋兒子1,000鈫作為生活費。
大律師喺求情嘅時候指，本案最大嘅求情因素係被告坦白認罪，希望本席考慮呢一點，予以輕判。
本席喺量刑嘅時候考慮咗本案嘅案情、大律師嘅求情、量刑指引、被告認罪。根據茆廣生案，被告人喺行劫嘅時候，曾經向受害人亮出刀或利器，一般嘅起刑點係5年嘅監禁，多於一人嘅糾黨深夜行劫屬罪加一等嘅因素，上訴庭建議刑期應該因此因素而往上調。另外，上訴法庭喺梁乃根（譯音）以及周振怡（譯音）兩案中亦都指出，從內地進入香港作出嚴重嘅罪行，亦都係令案情情節嚴重嘅因素。另外喺本案中，女護士喺答應畀錢之後仍然被拖行，即係受害人有受到不必要嘅暴力對待。
本席認為綜合所有嘅因素，一個7年嘅起刑點係適合嘅，予以三分之一嘅認罪扣減，判刑56個月，即係四年八個月。