HCCC 18/2014
香港特別行政區
高等法院
原訟法庭
刑事案件2014年第18號
----------------
----------------------
判刑 以下內容乃法庭數碼錄音謄本
官：
被告承認一項販運危險藥物罪，違反香港法例第134章《危險藥物條例》第4（1）（a）及（3）條。 根據案情，被告係經落馬洲返香港，喺入境大堂被截查，關員喺佢嘅內褲發現一條以避孕套包裹住嘅物體，被告指佢唔清楚嗰啲係「K」抑或係「冰」，佢話有人畀300鈫，叫佢帶過嚟。毒品經過化驗之後，證實為43.15克嘅結晶體，內含42.04克嘅甲基苯丙胺鹽酸鹽，當時嘅市值大概係28,000元。 被告現年28歲，曾經試過有喺2013年10月15號因為管有危險藥物罪，被判戒毒所，而該案發生喺2013年6月，即係話本案係喺該案擔保期間干犯嘅。根據被告嘅背景，佢現在有一個現年7歲嘅女兒，另外係喺懷孕中販運毒品，而喺2013年9月喺獄中誕下另一名女兒，現在7歲嘅女兒係同佢嘅母親同埋佢妹妹同住，但係幼女就喺寄養家庭。 大律師指，事發嘅時候被告因為懷孕，自己本身又染有毒癮，為咗金錢利益而干犯今次事件。大律師要求本席考慮咗佢喺落馬洲一被搜出有毒品嘅時候，已經即時承認涉案，予以輕判。 本席喺量刑嘅時候考慮咗本案嘅案情、毒品嘅種類、重量及量刑指引、被告認罪以及大律師嘅求情，根據「冰」毒嘅量刑指引，販運10至到70克，起刑點係7至到11年，喺本案呢條控罪涉及嘅係42.04克，本席以八年半作為起刑點，被因跨境因素，向上調6個月，即係9年，予以三分之一嘅認罪扣減，判刑6年。
被告承認一項販運危險藥物罪，違反香港法例第134章《危險藥物條例》第4（1）（a）及（3）條。
根據案情，被告係經落馬洲返香港，喺入境大堂被截查，關員喺佢嘅內褲發現一條以避孕套包裹住嘅物體，被告指佢唔清楚嗰啲係「K」抑或係「冰」，佢話有人畀300鈫，叫佢帶過嚟。毒品經過化驗之後，證實為43.15克嘅結晶體，內含42.04克嘅甲基苯丙胺鹽酸鹽，當時嘅市值大概係28,000元。
被告現年28歲，曾經試過有喺2013年10月15號因為管有危險藥物罪，被判戒毒所，而該案發生喺2013年6月，即係話本案係喺該案擔保期間干犯嘅。根據被告嘅背景，佢現在有一個現年7歲嘅女兒，另外係喺懷孕中販運毒品，而喺2013年9月喺獄中誕下另一名女兒，現在7歲嘅女兒係同佢嘅母親同埋佢妹妹同住，但係幼女就喺寄養家庭。
大律師指，事發嘅時候被告因為懷孕，自己本身又染有毒癮，為咗金錢利益而干犯今次事件。大律師要求本席考慮咗佢喺落馬洲一被搜出有毒品嘅時候，已經即時承認涉案，予以輕判。
本席喺量刑嘅時候考慮咗本案嘅案情、毒品嘅種類、重量及量刑指引、被告認罪以及大律師嘅求情，根據「冰」毒嘅量刑指引，販運10至到70克，起刑點係7至到11年，喺本案呢條控罪涉及嘅係42.04克，本席以八年半作為起刑點，被因跨境因素，向上調6個月，即係9年，予以三分之一嘅認罪扣減，判刑6年。