HCCC 94/2011
HCCC94/2011
香港特別行政區
高等法院
原訟法庭
刑事案件2011年第94號
----------------
---------------------------------------
判刑 以下內容乃法庭數碼錄音謄本
官：被告承認一項販運危險藥物罪，違反香港法例第134章《危險藥物條例》第4（1）（a）及（3）條；以及一項管有危險藥物罪，違反香港法例第134章《危險藥物條例》第8（1）（a）及（2）條。
案情指，警員睇到被告喺單位中步出，神色可疑，搜身之後，並冇發現任何違禁品。其後，從佢個單位發現一張載有「冰」毒嘅紙張，以及多袋毒品與及係與毒品販運有關嘅物件，當中包括電子磅、記事冊、膠袋封口機、玻璃瓶、一啲過濾隔以及打火機等。被告喺警誡下聲稱，佢因為失業，為咗賺錢，而賣毒品畀他人，另外，佢承認單位中少量嘅毒品係供佢自用，而佢係會將賣畀他人嘅毒品分別裝成小包出售。 佢準備出售嘅毒品經過化驗之後，證實為22.68克晶狀固體，內含21.97克甲基苯丙胺鹽酸鹽；而供佢自用嘅係0.26克嘅粉末，內含0.02克甲基苯丙胺鹽酸鹽；0.75克草本大麻；0.84克粉末，內含0.68克氯胺酮。就第一項販運控罪嘅毒品，當時嘅零售價大約係一萬七千多元。 被告現年32歲，一共有四項刑事紀錄，其中兩項涉及管有危險藥物，最後一次係喺2007年9月12號，因為管有危險藥物，被判戒毒所令。 大律師喺求情嘅時候指，被告自1998年染上毒癮。喺2007年9月被判去戒毒之後，喺08年1月獲釋，曾經遠離毒品，以及有穩定嘅工作，任職清潔工人，可惜喺2010年初佢再度受不了損友嘅唆擺以及誘惑，再度染上毒癮，繼而導致佢今次鋌而走險，干犯販運危險藥物嘅控罪。現在已經深感後悔，愧對家人，坦白認罪，彰顯悔意，希望法庭從輕發落，而佢會喺獄中積極進修，希望出獄之後再度被清潔公司錄用，重投以及回饋社會。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪，以及大律師嘅求情。 第一項控罪，販運危險藥物嘅毒品係「冰」毒，根據有關嘅量刑指引，10至到70克嘅「冰」毒，販運起刑點係7年至到10年。就有關嘅第一項控罪，本席認為8年嘅起刑點係適合嘅，予以三分之一嘅認罪扣減，判刑五年四個月。至於控罪二，即係管有危險藥物罪，本席以12個月作為起刑點，判刑8個月。下令兩項控罪嘅判刑同期執行。
案情指，警員睇到被告喺單位中步出，神色可疑，搜身之後，並冇發現任何違禁品。其後，從佢個單位發現一張載有「冰」毒嘅紙張，以及多袋毒品與及係與毒品販運有關嘅物件，當中包括電子磅、記事冊、膠袋封口機、玻璃瓶、一啲過濾隔以及打火機等。被告喺警誡下聲稱，佢因為失業，為咗賺錢，而賣毒品畀他人，另外，佢承認單位中少量嘅毒品係供佢自用，而佢係會將賣畀他人嘅毒品分別裝成小包出售。
佢準備出售嘅毒品經過化驗之後，證實為22.68克晶狀固體，內含21.97克甲基苯丙胺鹽酸鹽；而供佢自用嘅係0.26克嘅粉末，內含0.02克甲基苯丙胺鹽酸鹽；0.75克草本大麻；0.84克粉末，內含0.68克氯胺酮。就第一項販運控罪嘅毒品，當時嘅零售價大約係一萬七千多元。
被告現年32歲，一共有四項刑事紀錄，其中兩項涉及管有危險藥物，最後一次係喺2007年9月12號，因為管有危險藥物，被判戒毒所令。
大律師喺求情嘅時候指，被告自1998年染上毒癮。喺2007年9月被判去戒毒之後，喺08年1月獲釋，曾經遠離毒品，以及有穩定嘅工作，任職清潔工人，可惜喺2010年初佢再度受不了損友嘅唆擺以及誘惑，再度染上毒癮，繼而導致佢今次鋌而走險，干犯販運危險藥物嘅控罪。現在已經深感後悔，愧對家人，坦白認罪，彰顯悔意，希望法庭從輕發落，而佢會喺獄中積極進修，希望出獄之後再度被清潔公司錄用，重投以及回饋社會。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪，以及大律師嘅求情。
第一項控罪，販運危險藥物嘅毒品係「冰」毒，根據有關嘅量刑指引，10至到70克嘅「冰」毒，販運起刑點係7年至到10年。就有關嘅第一項控罪，本席認為8年嘅起刑點係適合嘅，予以三分之一嘅認罪扣減，判刑五年四個月。至於控罪二，即係管有危險藥物罪，本席以12個月作為起刑點，判刑8個月。下令兩項控罪嘅判刑同期執行。