HCCC 64/2011
HCCC64/2011
香港特別行政區
高等法院
原訟法庭
刑事案件2011年第64號
----------------
---------------------------------------
判刑 以下內容乃法庭數碼錄音謄本
官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指警員喺一個屋苑附近觀察到被告乘坐的士離開，然後又乘坐同一部的士返嚟，並且帶番一個膠袋。警員截查之下發現袋中有10包嘅毒品以及一張載有電話號碼同埋地址嘅紙。被告承認嗰啲「K」仔屬於佢嘅，其後佢承認係替人運送毒品，事成之後將會有5,000鈫嘅報酬。毒品經過化驗之後，證實為內含3.09公斤氯胺酮共3.92公斤嘅粉末，而呢啲危險藥物當時嘅零售價約為466,480元。 被告現在係18歲，有一項嘅刑事紀錄。喺2009年8月，因為藏有攻擊性武器被判戒毒所令，佢係喺2010年8月23號被拘捕有關本案。事實上，佢喺2010年1月18號從戒毒所獲釋，即係獲釋短短差不多半年時間即干犯本案。 大律師喺求情嘅時候表示被告喺2002年從深圳來港與父親團聚，讀書讀到中二輟學，家中哥哥因為患眼疾長期失業，父母收入不高及不穩定，佢係因為經濟嘅因素先會鋌而走險，干犯本案。大律師希望本席可以考慮以下三點，予以輕判：第一，被告係第一時間認罪，節省法庭嘅時間；第二，被告喺本案參與性相對較低；第三，事發嘅時候被告只得17歲，尚算年輕。 本席喺量刑嘅時候考慮左本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告同埋佢嘅親友以及前僱主所撰寫嘅求情信。根據許守城案中頒下販運氯胺酮嘅量刑指引，販運1,000克以上，量刑嘅起點係14年以上。本席參考左以下高等法院原訟法庭嘅判刑理由以及上訴庭嘅案例，包括左：第一，香港特別行政區訴徐志華（HCCC 14/2010），該案涉及嘅係1.6公斤嘅氯胺酮，陳慶偉暫委法官係以16年作為量刑起點；第二宗案件，本席參考嘅係香港特別行政區訴李銘賢（CACC 332/2010），該案所涉及嘅係2.2公斤嘅氯胺酮，上訴法庭認為16年嘅起刑點係適合㗎；第三個案例係香港特別行政區訴Chu Kwun Fung，該案涉及3.79公斤嘅氯胺酮，包鍾倩薇法官以18年作為量刑起點；而最後一個本席參考嘅案件係香港特別行政區訴Wu Chai Chiu （HCCC 102/2010），該案嘅第二項控罪涉及嘅係4.6公斤嘅氯胺酮，麥明康法官以20年作為起刑點。 由此可見，喺販運1公斤以上氯胺酮，14年開始並冇算術方式嘅方程式，計算準確嘅量刑起點，就本案嘅氯胺酮重量，本席認為18年嘅起刑點係合適嘅，予以三分之一嘅認罪扣減，判刑12年。
案情指警員喺一個屋苑附近觀察到被告乘坐的士離開，然後又乘坐同一部的士返嚟，並且帶番一個膠袋。警員截查之下發現袋中有10包嘅毒品以及一張載有電話號碼同埋地址嘅紙。被告承認嗰啲「K」仔屬於佢嘅，其後佢承認係替人運送毒品，事成之後將會有5,000鈫嘅報酬。毒品經過化驗之後，證實為內含3.09公斤氯胺酮共3.92公斤嘅粉末，而呢啲危險藥物當時嘅零售價約為466,480元。
被告現在係18歲，有一項嘅刑事紀錄。喺2009年8月，因為藏有攻擊性武器被判戒毒所令，佢係喺2010年8月23號被拘捕有關本案。事實上，佢喺2010年1月18號從戒毒所獲釋，即係獲釋短短差不多半年時間即干犯本案。
大律師喺求情嘅時候表示被告喺2002年從深圳來港與父親團聚，讀書讀到中二輟學，家中哥哥因為患眼疾長期失業，父母收入不高及不穩定，佢係因為經濟嘅因素先會鋌而走險，干犯本案。大律師希望本席可以考慮以下三點，予以輕判：第一，被告係第一時間認罪，節省法庭嘅時間；第二，被告喺本案參與性相對較低；第三，事發嘅時候被告只得17歲，尚算年輕。
本席喺量刑嘅時候考慮左本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告同埋佢嘅親友以及前僱主所撰寫嘅求情信。根據許守城案中頒下販運氯胺酮嘅量刑指引，販運1,000克以上，量刑嘅起點係14年以上。本席參考左以下高等法院原訟法庭嘅判刑理由以及上訴庭嘅案例，包括左：第一，香港特別行政區訴徐志華（HCCC 14/2010），該案涉及嘅係1.6公斤嘅氯胺酮，陳慶偉暫委法官係以16年作為量刑起點；第二宗案件，本席參考嘅係香港特別行政區訴李銘賢（CACC 332/2010），該案所涉及嘅係2.2公斤嘅氯胺酮，上訴法庭認為16年嘅起刑點係適合㗎；第三個案例係香港特別行政區訴Chu Kwun Fung，該案涉及3.79公斤嘅氯胺酮，包鍾倩薇法官以18年作為量刑起點；而最後一個本席參考嘅案件係香港特別行政區訴Wu Chai Chiu （HCCC 102/2010），該案嘅第二項控罪涉及嘅係4.6公斤嘅氯胺酮，麥明康法官以20年作為起刑點。
由此可見，喺販運1公斤以上氯胺酮，14年開始並冇算術方式嘅方程式，計算準確嘅量刑起點，就本案嘅氯胺酮重量，本席認為18年嘅起刑點係合適嘅，予以三分之一嘅認罪扣減，判刑12年。