HCCC 154/2012
HCCC154/2012
香港特別行政區
高等法院
原訟法庭
刑事案件2012年第154號
----------------
主審法官： 高等法院法官潘敏琦
日期： 2012年7月13日上午9時42分
出席人士： 律政司高級檢控官Miss Winnie Lam，代表香港特別行政區
Mr Terry Kan，由法律援助署延聘，代表被告人
控罪： 販運危險藥物（Trafficking in a dangerous drug）
----------------------
以下內容乃法庭數碼錄音謄本 判刑
官：
被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，被告喺街上被警員截查，其後警員喺佢所攜帶嘅斜孭袋內搜獲十一袋毒品。被告喺警誡下稱佢係同人帶「冰」過嚟嘅，有關嘅毒品化驗之後證實為69.7克粉末內含69.7克嘅甲基苯丙胺鹽酸鹽，與及21.8克嘅晶狀固體內含21.8克甲基苯丙胺鹽酸鹽；當時嘅市值係68,808元。 被告現年39歲，之前共有二十一次嘅刑事紀錄，其中大部分涉及嘅係盜竊、爆竊等嘅案件，並冇涉及過危險藥物嘅販運。佢最後一次嘅案底嘅紀錄係喺2009年嘅9月21號，因為管理賣淫場所罪被判6個月嘅刑期。 大律師喺求情嘅時候表示，被告與太太喺內地結婚，有一個4歲嘅兒子，被捕之前係一個日薪400元嘅裝修工人，佢將薪金嘅一半係交予妻子。今次第一次涉及販運藥品，事緣出獄之後搵唔到工作，受唔住友人嘅唆擺先至鋌而走險干犯本案。大律師又指，今次佢第一時間認罪，彰顯悔意，希望本席能夠以量刑嘅指引中有關界別嘅最低刑期作為起刑點，並予以認罪嘅扣減。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪以及大律師嘅求情，本案涉及嘅係「冰」毒，總重量係91.5克，而就呢一個重量嘅量刑指引係納入界別為販運70至到300克，即係起刑點係10至到14年。 就本案嘅案情同埋有關「冰」毒嘅重量，本席認為一個十年半嘅起刑點係適合嘅，予以三分之一嘅認罪扣減，判刑84個月，即係7年。
被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，被告喺街上被警員截查，其後警員喺佢所攜帶嘅斜孭袋內搜獲十一袋毒品。被告喺警誡下稱佢係同人帶「冰」過嚟嘅，有關嘅毒品化驗之後證實為69.7克粉末內含69.7克嘅甲基苯丙胺鹽酸鹽，與及21.8克嘅晶狀固體內含21.8克甲基苯丙胺鹽酸鹽；當時嘅市值係68,808元。
被告現年39歲，之前共有二十一次嘅刑事紀錄，其中大部分涉及嘅係盜竊、爆竊等嘅案件，並冇涉及過危險藥物嘅販運。佢最後一次嘅案底嘅紀錄係喺2009年嘅9月21號，因為管理賣淫場所罪被判6個月嘅刑期。
大律師喺求情嘅時候表示，被告與太太喺內地結婚，有一個4歲嘅兒子，被捕之前係一個日薪400元嘅裝修工人，佢將薪金嘅一半係交予妻子。今次第一次涉及販運藥品，事緣出獄之後搵唔到工作，受唔住友人嘅唆擺先至鋌而走險干犯本案。大律師又指，今次佢第一時間認罪，彰顯悔意，希望本席能夠以量刑嘅指引中有關界別嘅最低刑期作為起刑點，並予以認罪嘅扣減。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪以及大律師嘅求情，本案涉及嘅係「冰」毒，總重量係91.5克，而就呢一個重量嘅量刑指引係納入界別為販運70至到300克，即係起刑點係10至到14年。
就本案嘅案情同埋有關「冰」毒嘅重量，本席認為一個十年半嘅起刑點係適合嘅，予以三分之一嘅認罪扣減，判刑84個月，即係7年。