林長城
香港特別行政區
[2019] HKCFI 1739
HCMA 82/2019
高等法院原訟法庭
裁判法院上訴案件編號2019年第82號
（原西九龍裁判法院刑事案件2018年第4404號）
..........................
判案書
1. 好喇，從今日同埋之前嘅種種跡象，全部都顯示今次嘅上訴申請上訴人係並無意繼續，呢一個係一個浪費咗公帑嘅情況。不過由於上訴人今日唔喺法庭，即使控方係申請訟費，法庭都唔能夠喺冇聽過佢嘅回應之前係處理嘅，呢一點係有啲可惜。無論如何，今日上訴人由於缺席，事前亦都冇同法庭係申請或者有任何嘅通知，有關上訴嘅理據同埋上訴嘅理由一直都冇存檔畀法庭。而有關聆訊通知書，雖然用掛號信法庭係寄咗去呢個申請人嘅府上，但係亦都係被退回，亦都係被告知嗰個居所就無人居住嘅。今天警方亦都嘗試咗多次係致電畀被告人提供嘅電話，但係雖然電話係接通咗，但係一直都冇人接聽嘅。
2. 因此，最後法庭嘅決定，今日而家就會取消，即係撤銷呢一次上訴嘅申請。咁就除非將來上訴人能夠提供一個足夠同埋充份嘅理由，先至可以恢復番今次上訴嘅申請。