HCCC 438/2011
HCCC438/2011
香港特別行政區
高等法院
原訟法庭
刑事案件2011年第438號
----------------
主審法官： 高等法院暫委法官陳慶偉
日期： 2012年7月30日下午2時51分
控罪： 販運危險藥物（Trafficking in a dangerous drug）
----------------------
判刑 以下內容乃法庭數碼錄音謄本
官：
被告人，你經審訊之後，被陪審團裁定一項販運危險藥物罪，罪名成立。 證供顯示，喺2011年6月10日上午嘅時分，被告人攜帶0.84公斤嘅氯胺酮經落馬洲入境管制站進入香港，被告人你嘅非法行為，被海關人員喺搜查你嘅手袋嘅時候發現。 就住非法販運氯胺酮，上訴庭已經喺律政司訴許守城一案訂下清晰嘅量刑指引，販運600至1000克嘅氯胺酮，量刑起點係12至14年嘅即時監禁，販運840克嘅氯胺酮，量刑嘅基本起點因此係應該訂為13年嘅即時監禁嘅。 被告人，你現年45歲，過往有十次嘅刑事紀錄，但係都不涉及毒品。被告人你喺庭上聲稱，你唔係癮君子，故此今次犯案嘅目的，純粹係因為經濟嘅利益驅使而作出嘅。本案係一宗經過精心策劃嘅偷運毒品案件，被告人你將手袋灑上香水，意圖係減低緝毒犬嘅偵緝毒品嘅能力，你亦都係準備咗一樽伏特加酒，一旦出現問題嘅時候，係可以利用紅色嘅通道係過關。本案亦都係涉及跨境嘅販毒呢一項嘅情節，呢一點亦都進一步係增加案情嘅嚴重性。 喺考慮過所有以上所述之後，本席喺原有嘅13年嘅量刑起點上高上調1年，以反映係整體嘅罪責。 被告人，你係經審訊之後被定罪嘅，因此不享任何嘅量刑折扣，故此就被告人被裁定罪名成立嘅一項販運危險藥物嘅控罪，你係被判處14年嘅即時監禁。
被告人，你經審訊之後，被陪審團裁定一項販運危險藥物罪，罪名成立。
證供顯示，喺2011年6月10日上午嘅時分，被告人攜帶0.84公斤嘅氯胺酮經落馬洲入境管制站進入香港，被告人你嘅非法行為，被海關人員喺搜查你嘅手袋嘅時候發現。
就住非法販運氯胺酮，上訴庭已經喺律政司訴許守城一案訂下清晰嘅量刑指引，販運600至1000克嘅氯胺酮，量刑起點係12至14年嘅即時監禁，販運840克嘅氯胺酮，量刑嘅基本起點因此係應該訂為13年嘅即時監禁嘅。
被告人，你現年45歲，過往有十次嘅刑事紀錄，但係都不涉及毒品。被告人你喺庭上聲稱，你唔係癮君子，故此今次犯案嘅目的，純粹係因為經濟嘅利益驅使而作出嘅。本案係一宗經過精心策劃嘅偷運毒品案件，被告人你將手袋灑上香水，意圖係減低緝毒犬嘅偵緝毒品嘅能力，你亦都係準備咗一樽伏特加酒，一旦出現問題嘅時候，係可以利用紅色嘅通道係過關。本案亦都係涉及跨境嘅販毒呢一項嘅情節，呢一點亦都進一步係增加案情嘅嚴重性。
喺考慮過所有以上所述之後，本席喺原有嘅13年嘅量刑起點上高上調1年，以反映係整體嘅罪責。
被告人，你係經審訊之後被定罪嘅，因此不享任何嘅量刑折扣，故此就被告人被裁定罪名成立嘅一項販運危險藥物嘅控罪，你係被判處14年嘅即時監禁。
有關向上訴法庭提出的相關上訴，請參閲CACC311/2012。