HCCC 344/2011
HCCC344/2011
香港特別行政區
高等法院
原訟法庭
刑事案件2011年第344號
----------------
主審法官： 高等法院法官彭偉昌
日期： 2012年4月17日上午9時53分
出席人士： 陳銚明先生，為外聘律師，代表香港特別行政區
李國輔先生，由Chung & Kwan律師行延聘，代表被告人
控罪： [2]販運危險藥物（Trafficking in a dangerous drug）
----------------------
判刑 以下內容乃法庭數碼錄音謄本
官：
被告承認一項販運危險藥物，即公訴書嘅控罪二，涉及淨含毒量70.28克可卡因。控罪一則獲本席留置卷宗，未經批准，不得進行起訴。 同意案情指，警方喺一間村屋出面將被告截停，搜查後發現屋內有十幾袋可疑毒品同一批處理毒品嘅工具，前者就係同本案有關嘅可卡因。警誡下，被告承認毒品係要嚟販賣嘅。 被告現年46歲，香港出生及受教育至中學程度，被捕時係的士司機，與太太同兩名兒子同住。佢有一次前科，罪名係襲擊至造成身體傷害罪，被處感化12個月，當時係1981年。 求情時律師指，被告溺愛兩名兒子，以致自己只能獨力承擔家人嘅開支。此外，佢又話被告將失去睇住小孫女長大嘅幸福。但係如此這般，通通都唔係有效嘅求情理由。 觀乎涉案毒品嘅數量，一個適合嘅量刑基準係八年半，被告認罪，冇其他有效嘅求情理由就可以獲扣減三分一至五年零八個月，之後維持喺呢個水平。 我正式宣判，被告須為本案入獄五年零八個月。
被告承認一項販運危險藥物，即公訴書嘅控罪二，涉及淨含毒量70.28克可卡因。控罪一則獲本席留置卷宗，未經批准，不得進行起訴。
同意案情指，警方喺一間村屋出面將被告截停，搜查後發現屋內有十幾袋可疑毒品同一批處理毒品嘅工具，前者就係同本案有關嘅可卡因。警誡下，被告承認毒品係要嚟販賣嘅。
被告現年46歲，香港出生及受教育至中學程度，被捕時係的士司機，與太太同兩名兒子同住。佢有一次前科，罪名係襲擊至造成身體傷害罪，被處感化12個月，當時係1981年。
求情時律師指，被告溺愛兩名兒子，以致自己只能獨力承擔家人嘅開支。此外，佢又話被告將失去睇住小孫女長大嘅幸福。但係如此這般，通通都唔係有效嘅求情理由。
觀乎涉案毒品嘅數量，一個適合嘅量刑基準係八年半，被告認罪，冇其他有效嘅求情理由就可以獲扣減三分一至五年零八個月，之後維持喺呢個水平。
我正式宣判，被告須為本案入獄五年零八個月。