HCCC 56/2012
HCCC56/2012
香港特別行政區
高等法院
原訟法庭
刑事案件2012年第56號
----------------
----------------------
判刑 以下內容乃法庭數碼錄音謄本
官：
本案嘅被告就承認咗一項交替嘅罪，即係與一名精神上冇行為能力嘅女性性交罪。 被告承認案情撮要。 簡單嚟講，被告與呢一位姓凌嘅受害人去到海運大廈梯間，然後佢哋係發生咗性行為。後來，被告係被警方以強姦控罪係拘捕咗。警誡之下，被告就話佢係喺一時衝動之下搞咗對方，而嗰位女士係弱智嘅。 辯方曾經呈上一位心理專家對被告在智力同埋其他能力方面嘅評估。內容係確認咗辯方指出話被告本身自己都屬輕度弱智嘅，而被告亦都係現時係20歲嘅啫。 判刑之前，本席係先取得咗感化官嘅部告。感化官對被告嘅評估都算係正面嘅，佢似乎並冇行為、性格上嘅問題，佢仲一路係有讀書嘅。感化官認為被告需要係道德教育層面嗰度加強呢個訓練，感化官亦都可以替佢安排在職嘅培訓。 基於本案嘅情況，與及被告自己同埋佢家人嘅需要，本席決定接納感化官嘅建議係判感化令，但係時間會係兩年，期間被告係要根據感化官嘅指示工作、進修同埋係接受輔導嘅。
本案嘅被告就承認咗一項交替嘅罪，即係與一名精神上冇行為能力嘅女性性交罪。
被告承認案情撮要。 簡單嚟講，被告與呢一位姓凌嘅受害人去到海運大廈梯間，然後佢哋係發生咗性行為。後來，被告係被警方以強姦控罪係拘捕咗。警誡之下，被告就話佢係喺一時衝動之下搞咗對方，而嗰位女士係弱智嘅。
辯方曾經呈上一位心理專家對被告在智力同埋其他能力方面嘅評估。內容係確認咗辯方指出話被告本身自己都屬輕度弱智嘅，而被告亦都係現時係20歲嘅啫。
判刑之前，本席係先取得咗感化官嘅部告。感化官對被告嘅評估都算係正面嘅，佢似乎並冇行為、性格上嘅問題，佢仲一路係有讀書嘅。感化官認為被告需要係道德教育層面嗰度加強呢個訓練，感化官亦都可以替佢安排在職嘅培訓。
基於本案嘅情況，與及被告自己同埋佢家人嘅需要，本席決定接納感化官嘅建議係判感化令，但係時間會係兩年，期間被告係要根據感化官嘅指示工作、進修同埋係接受輔導嘅。
（法官詢問被告人是否願意接受感化令，被告人表示願意）