胡定邦
HCCC 9/2010
HCCC9/2010
香港特別行政區
高等法院
原訟法庭
刑事案件2010年第9號
----------------
----------------------
判刑 以下內容乃法庭數碼錄音謄本
官： 被告與另外兩人共同被控一項販運危險藥物罪，違反香港法例第134章《危險藥物條例》第4（1）（a）及（3）條，被告承認控罪之後轉為控方證人，並出庭作供。其他兩名被告喺聆訊之後，被裁定罪名不成立。
案情指被告與其他兩人一齊從香港出發到深圳，將毒品帶返香港，返香港之後被截查嘅時候，從佢身上搜出六袋嘅毒品，佢當時聲稱係受咗本案第二同埋第三被告指使，運送毒品返香港嘅。毒品經過化驗之後，證實係內含1.1公斤氯胺酮嘅1.42 公斤粉末。 被告現年25歲，過往並冇刑事紀錄。 大律師喺求情嘅時候表示，被告係因為欠下債項，又受咗他人唆擺，先會鋌而走險，干犯本案。 被告喺佢自己手寫嘅求情信內表示，今次干犯嚴重嘅罪行，愧對家人，亦都明白將會面對頗長時間嘅牢獄生涯，佢會積極進修，希望獲釋之後能夠回饋社會。 本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告認罪、以及大律師嘅求情，亦都閱讀咗所有本案嘅求情信同埋其他文件。 販運危險藥物係嚴重罪行，即使涉案嘅被告年紀尚輕，亦不算例外可獲法庭從輕發落嘅情況。根據許守城案嘅量刑指刑，販運超過一公斤嘅氯胺酮，起刑點係由14年起，本案以14年作為本案嘅量刑起點。 本席喺聆訊之時，已經聆聽過被告作供，雖然佢喺盤問之下，被發現佢部分嘅證供，偏離佢警誡之下所講嘅嘢，但係佢嘅證供大體上，與佢其後決定轉做控方證人而作出嘅證人口供大同小異，本席滿意，亦都認為佢已經盡力作供。除咗認罪嘅三分之一扣減之外，本席會畀佢額外嘅扣減，判刑8年。
案情指被告與其他兩人一齊從香港出發到深圳，將毒品帶返香港，返香港之後被截查嘅時候，從佢身上搜出六袋嘅毒品，佢當時聲稱係受咗本案第二同埋第三被告指使，運送毒品返香港嘅。毒品經過化驗之後，證實係內含1.1公斤氯胺酮嘅1.42 公斤粉末。
被告現年25歲，過往並冇刑事紀錄。
大律師喺求情嘅時候表示，被告係因為欠下債項，又受咗他人唆擺，先會鋌而走險，干犯本案。
被告喺佢自己手寫嘅求情信內表示，今次干犯嚴重嘅罪行，愧對家人，亦都明白將會面對頗長時間嘅牢獄生涯，佢會積極進修，希望獲釋之後能夠回饋社會。
本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告認罪、以及大律師嘅求情，亦都閱讀咗所有本案嘅求情信同埋其他文件。
販運危險藥物係嚴重罪行，即使涉案嘅被告年紀尚輕，亦不算例外可獲法庭從輕發落嘅情況。根據許守城案嘅量刑指刑，販運超過一公斤嘅氯胺酮，起刑點係由14年起，本案以14年作為本案嘅量刑起點。
本席喺聆訊之時，已經聆聽過被告作供，雖然佢喺盤問之下，被發現佢部分嘅證供，偏離佢警誡之下所講嘅嘢，但係佢嘅證供大體上，與佢其後決定轉做控方證人而作出嘅證人口供大同小異，本席滿意，亦都認為佢已經盡力作供。除咗認罪嘅三分之一扣減之外，本席會畀佢額外嘅扣減，判刑8年。