HCCC 210/2011
HCCC210/2011
香港特別行政區
高等法院
原訟法庭
刑事案件2011年第210號
----------------
----------------------------------------
判刑 以下內容乃法庭數碼錄音謄本
官： 被告早於裁判法院承認過兩項販運危險藥物罪。控罪一，涉及嘅係以淨含毒量計13.58克草本大麻及0.62克可卡因。控罪二則為246.85克草本大麻及137.08克可卡因。
案情方面好簡單，警方喺涉案單位外截停剛出門口嘅被告，搜獲控罪一嘅毒品，之後從被告身上嘅鎖匙進入單位，再搜獲控罪二嘅毒品。警誡下，被告承認所有毒品都係販運用，佢當時正值將控罪一嘅毒品送往旺角畀一位顧客。 被告現時50歲，香港出生，及受教育至中四，之後做過跟車工人同埋水吧。被捕時，單身，無業，冇刑事定罪紀錄。求情時，律師指被告因為搵唔到工作，經濟拮据，所以先犯案。不過，呢個實非任何有效嘅求情理由。觀乎涉案毒品嘅數量，控罪一同二嘅量刑起點，我認為應該依次為兩年同埋十年。被告認罪，可得三分一嘅扣減，就下調至16個月同埋80個月。另外，由於兩項控罪嘅毒品都同為一批，所以兩個刑期應該同期執行。 我宣判，被告須為控罪一入獄一年零四個月，又為控罪二入獄六年零八個月，同期執行，即係一共入獄六年零八個月。
案情方面好簡單，警方喺涉案單位外截停剛出門口嘅被告，搜獲控罪一嘅毒品，之後從被告身上嘅鎖匙進入單位，再搜獲控罪二嘅毒品。警誡下，被告承認所有毒品都係販運用，佢當時正值將控罪一嘅毒品送往旺角畀一位顧客。
被告現時50歲，香港出生，及受教育至中四，之後做過跟車工人同埋水吧。被捕時，單身，無業，冇刑事定罪紀錄。求情時，律師指被告因為搵唔到工作，經濟拮据，所以先犯案。不過，呢個實非任何有效嘅求情理由。觀乎涉案毒品嘅數量，控罪一同二嘅量刑起點，我認為應該依次為兩年同埋十年。被告認罪，可得三分一嘅扣減，就下調至16個月同埋80個月。另外，由於兩項控罪嘅毒品都同為一批，所以兩個刑期應該同期執行。
我宣判，被告須為控罪一入獄一年零四個月，又為控罪二入獄六年零八個月，同期執行，即係一共入獄六年零八個月。