HCCC 434/2010
HCCC434/2010
香港特別行政區
高等法院
原訟法庭
刑事案件2010年第434號
----------------
主審法官： 高等法院法官湯寶臣
日期： 2011年8月29日上午11時21分
控罪： 盜竊罪（Theft）
----------------------
判刑 以下內容乃法庭數碼錄音謄本
官：被告喺本席前就係承認咗一項盜竊罪。
喺案情方面，簡單嚟講，被告就係喺協助僱主嘅一單交易之中，將屬於公司嘅錢轉咗入自己嘅私人戶口，之後佢想提取現金嘅時間，係被銀行職員揭發，而最後被警方拘捕嘅。涉案嘅金額有一億幾，而康郁（譯音）公司嘅王洪軍先生係因為與被告父親認識，又相信被告人，先至安排被告人做新喺香港成立嘅利勤（譯音）公司嘅董事，及要求被告參與安排資金嘅轉賬。 不可爭議嘅係，被告嘅行為屬於破壞誠信，又以本案嘅金額嚟到睇，被告嘅盜竊行為係屬非常嚴重嘅，但係本席要接納，明顯被告並冇喺事先係有周詳嘅計劃，佢應該清楚知道，喺香港嘅銀行體系之下，要將呢一筆巨額以現金情況攞走，係極之困難嘅。本席相信，被告係好似王洪軍先生喺求情信裡面所講，佢突然接觸到咁大筆金錢，一時係起咗歪念，先至做咗咁愚蠢嘅行為，最後唔單只係害咗佢自己，亦都係害咗佢父母同妻子嘅。 我要多謝雙方代表大律師佢哋就刑期同埋案例方面，都向法庭提供咗佢哋嘅分析，有關案例包括張美嬌、吳國榮同埋曾文能案。本席亦都考慮咗代表大律師嘅求情，同埋睇咗佢呈上嚟嘅求情信，咁我接納陳大律師所講，喺呢一件案嚟講，受害人最後應該喺金錢上冇咩嘢大嘅損失。咁當然另外一方面，受害人係浪費咗自己嘅時間去處理呢一件事，而另一個角度嚟講，被告亦都冇可能唔將呢筆錢交番出嚟嘅。 經考慮後，本席係決定以9年作為刑期起點，本席會給予三分一嘅因為認罪而得到嘅扣減；咁基於被告嘅犯案情況，以及佢已經同意將涉案金錢係全數交回，本席會酌情再將刑期減9個月，刑期係五年三個月，希望被告好自為之喇。
喺案情方面，簡單嚟講，被告就係喺協助僱主嘅一單交易之中，將屬於公司嘅錢轉咗入自己嘅私人戶口，之後佢想提取現金嘅時間，係被銀行職員揭發，而最後被警方拘捕嘅。涉案嘅金額有一億幾，而康郁（譯音）公司嘅王洪軍先生係因為與被告父親認識，又相信被告人，先至安排被告人做新喺香港成立嘅利勤（譯音）公司嘅董事，及要求被告參與安排資金嘅轉賬。
不可爭議嘅係，被告嘅行為屬於破壞誠信，又以本案嘅金額嚟到睇，被告嘅盜竊行為係屬非常嚴重嘅，但係本席要接納，明顯被告並冇喺事先係有周詳嘅計劃，佢應該清楚知道，喺香港嘅銀行體系之下，要將呢一筆巨額以現金情況攞走，係極之困難嘅。本席相信，被告係好似王洪軍先生喺求情信裡面所講，佢突然接觸到咁大筆金錢，一時係起咗歪念，先至做咗咁愚蠢嘅行為，最後唔單只係害咗佢自己，亦都係害咗佢父母同妻子嘅。
我要多謝雙方代表大律師佢哋就刑期同埋案例方面，都向法庭提供咗佢哋嘅分析，有關案例包括張美嬌、吳國榮同埋曾文能案。本席亦都考慮咗代表大律師嘅求情，同埋睇咗佢呈上嚟嘅求情信，咁我接納陳大律師所講，喺呢一件案嚟講，受害人最後應該喺金錢上冇咩嘢大嘅損失。咁當然另外一方面，受害人係浪費咗自己嘅時間去處理呢一件事，而另一個角度嚟講，被告亦都冇可能唔將呢筆錢交番出嚟嘅。
經考慮後，本席係決定以9年作為刑期起點，本席會給予三分一嘅因為認罪而得到嘅扣減；咁基於被告嘅犯案情況，以及佢已經同意將涉案金錢係全數交回，本席會酌情再將刑期減9個月，刑期係五年三個月，希望被告好自為之喇。