麥子祥, 李裕輝
HCCC 189/2012
香港特別行政區
高等法院
原訟法庭
刑事案件2012年第189號
----------------
----------------------
判刑 以下內容乃法庭數碼錄音謄本
官：
本案第一被告承認兩項販運危險藥物罪，而第二被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，第一被告喺步出一大廈之後遭警員截查，其後喺佢個身上搜獲一共十粒嘅可卡因，後來證實為2.81克固體，內含1.77克嘅可卡因。喺警誡之下，佢表示佢係替另外一個身在大廈單位內嘅人運送該十粒嘅可卡因嘅。其後警員以佢身上搜獲嘅鎖匙開啟大廈內一單位嘅大門，發現第二被告在單位內，警員喺單位內搜出一共七十二包嘅可卡因，以及其他嘅可再封口膠袋同埋電子磅，後來單位內面嘅毒品證實係75.49克嘅固體，內含49.68克可卡因。第一被告聲稱單位內嘅毒品全屬第二被告，佢只係幫第二被告散貨啫，而第二被告則指佢只係喺嗰度幫手包裝毒品，以換取免費毒品供應。有關嘅可卡因當時市值為港幣82,737鈫。 現在兩名被告均承認有關嘅控罪，即佢哋當時係販運有關嘅毒品。 第一被告現年23歲，有四次、一共係十四項嘅刑事定罪紀錄，其中最後嗰次係管有危險藥物，日期係2009年12月21號，被判感化15個月。 第二被告現年係21歲，之前有兩次刑事紀錄，全部同毒品冇關，最後一項係喺2006年7月31號，因為普通襲擊罪，被判感化18個月。 兩名被告嘅大律師喺求情嘅時候，均表示被告係因為誤交損友、染上毒癮、受人唆擺先至干犯今次嘅嚴重罪行，而兩人亦都已經深感內疚，認罪以彰顯佢哋嘅悔意。而兩人嘅家庭成員亦都喺法庭，給予無限嘅支持，希望本席喺量刑嘅時候，能夠採取一個較低嘅量刑起點，等佢哋可以早日出獄，而家人亦都會嚴加看管。 本席喺量刑嘅時候，考慮咗本案嘅案情、毒品嘅種類、重量、有關嘅量刑指引、兩名被告認罪、大律師嘅求情，亦都閱讀咗大律師所呈遞嘅有關案例，以及有關人士，包括被告人所撰寫嘅求情信。 根據量刑指引，販運可卡因50至到200克，起刑點係8至12年。就住第一被告面對兩項嘅控罪，涉及總數嘅可卡因總重量係51.45克。而第二被告面對嘅一項（即係第二項控罪）所涉及嘅可卡因就係49.68克。就住第一同埋第二被告所面對嘅控罪，本席認為一個8年嘅量刑起點係適合嘅，予以三分之一嘅認罪扣減，判刑64個月。第一被告兩項控罪分配如下：控罪一判刑15個月，控罪二64個月，同期執行。第二被告控罪二64個月。
本案第一被告承認兩項販運危險藥物罪，而第二被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，第一被告喺步出一大廈之後遭警員截查，其後喺佢個身上搜獲一共十粒嘅可卡因，後來證實為2.81克固體，內含1.77克嘅可卡因。喺警誡之下，佢表示佢係替另外一個身在大廈單位內嘅人運送該十粒嘅可卡因嘅。其後警員以佢身上搜獲嘅鎖匙開啟大廈內一單位嘅大門，發現第二被告在單位內，警員喺單位內搜出一共七十二包嘅可卡因，以及其他嘅可再封口膠袋同埋電子磅，後來單位內面嘅毒品證實係75.49克嘅固體，內含49.68克可卡因。第一被告聲稱單位內嘅毒品全屬第二被告，佢只係幫第二被告散貨啫，而第二被告則指佢只係喺嗰度幫手包裝毒品，以換取免費毒品供應。有關嘅可卡因當時市值為港幣82,737鈫。
現在兩名被告均承認有關嘅控罪，即佢哋當時係販運有關嘅毒品。
第一被告現年23歲，有四次、一共係十四項嘅刑事定罪紀錄，其中最後嗰次係管有危險藥物，日期係2009年12月21號，被判感化15個月。
第二被告現年係21歲，之前有兩次刑事紀錄，全部同毒品冇關，最後一項係喺2006年7月31號，因為普通襲擊罪，被判感化18個月。
兩名被告嘅大律師喺求情嘅時候，均表示被告係因為誤交損友、染上毒癮、受人唆擺先至干犯今次嘅嚴重罪行，而兩人亦都已經深感內疚，認罪以彰顯佢哋嘅悔意。而兩人嘅家庭成員亦都喺法庭，給予無限嘅支持，希望本席喺量刑嘅時候，能夠採取一個較低嘅量刑起點，等佢哋可以早日出獄，而家人亦都會嚴加看管。
本席喺量刑嘅時候，考慮咗本案嘅案情、毒品嘅種類、重量、有關嘅量刑指引、兩名被告認罪、大律師嘅求情，亦都閱讀咗大律師所呈遞嘅有關案例，以及有關人士，包括被告人所撰寫嘅求情信。
根據量刑指引，販運可卡因50至到200克，起刑點係8至12年。就住第一被告面對兩項嘅控罪，涉及總數嘅可卡因總重量係51.45克。而第二被告面對嘅一項（即係第二項控罪）所涉及嘅可卡因就係49.68克。就住第一同埋第二被告所面對嘅控罪，本席認為一個8年嘅量刑起點係適合嘅，予以三分之一嘅認罪扣減，判刑64個月。第一被告兩項控罪分配如下：控罪一判刑15個月，控罪二64個月，同期執行。第二被告控罪二64個月。