HCCC 240/2010
HCCC240/2010
香港特別行政區
高等法院
原訟法庭
刑事案件2010年第240號
----------------
主審法官： 高等法院法官張慧玲
日期： 2010年9月20日上午9時39分
出席人士：
律政司高級檢控官林德穎，代表香港特別行政區
法律援助署委派黃江森,林輝德律師事務所轉聘大律師水佳麗，代表被告人
控罪： 販運危險藥物（Trafficking in a dangerous drug）
---------------------------------------
判刑 以下內容乃法庭數碼錄音謄本
官： 被告張國雄被控一項販運危險藥物罪，違反香港法例第134章《危險藥物條例》4（1）（a）及（3）條。被告人喺裁判官嘅席前認咗罪同埋同意案情之後，交付高院原訟庭判刑。
案情就好簡單，喺案發嗰日，被告同埋女朋友就喺住所度行出嚟，因為當時行為鬼祟、神情緊張，畀一名警員睇到，認為佢有可疑，於是截停被告，要求作出搜查。當時被告就唔出聲，但係不斷咁樣打震，同埋用手撳住佢牛仔褲褲袋。警員搜呢個牛仔褲褲袋，就發現喺個袋入面有兩包思疑係海洛英嘅物品。當時警員已經用「販運危險藥物」罪名拉被告。警誡之下，被告就話嗰啲白粉係佢嘅，同佢女朋友無關。後屘返到去差館就繼續向被告調查。喺警誡之下，被告就畀咗一啲詳情，就係話有個朋友叫做「阿偉」，佢係受呢個「阿偉」嘅指示，去一間快餐店嘅洗手間入邊，攞咗嗰兩包毒品。咁佢就要帶嗰啲毒品去另外一個地方嘅 - 喺稍後時間帶去另一個地方，報酬就係500鈫。咁佢亦都知道嗰兩包係海洛英嚟嘅。佢話啱啱嗰日，即係佢離開嘅時候，佢嘅女朋友同一個時間同佢離開嗰個住所，咁所以就同佢一齊嘅啫，就唔關個女朋友事。佢亦都承認自己係有毒癮，係用「追龍」嘅方式嚟吸毒。嗰兩包毒品後屘就係拎咗去化驗，發覺原來混合物有59.78克嘅，而其中海洛英鹽酸鹽就47.11克，市值大概係54,500鈫。 關於被告嘅背景方面，27歲，有九次嘅刑事紀錄㗎喇，除咗有三次係同呢一個偷竊方面有關嘅案底，另外嗰六次全部係同毒品有關嘅，有一次仲係販運危險藥物，當時係被判12個月監禁。被告人代表水律師都已經好坦白咁同本席講，喺呢一類咁樣嘅嚴重案件，可以同被告人講嘅求情說話唔可以話係好多，基本上就係因為被告人認罪。被告人本身亦都寫咗一封信畀我，入面係講到就話而家失去自由喇，咁就好痛苦，有屋企人不斷去支持，去探佢，就覺得自己好對唔住屋企人，亦都想將來仲有機會去照顧父母，同埋做番個孝順仔，佢感到好後悔，犯咗而家呢個嘅案件，咁佢希望本席會盡量輕判。 本席喺考慮到呢件案件，首先就係同毒品有關嘅罪行，係非常之嚴重 - 法庭睇得好嚴重嘅。而被告人你干犯咗販運海洛英，上訴庭劉德明案件已經頒下判刑指引㗎喇，10至到50克嘅海洛英，範疇係5至8年 - 即係量刑嘅起點。咁今次件案件涉及係47.11，咁即係其實離50就連3克都冇，咁好明顯就喺10至50克呢一個範疇偏向50克嗰邊。呢件案件，考慮咗當時案情，被告人喺咩嘢情況之下被拘捕、你所牽涉嘅程度，同埋毒品嘅份量47.11克，仲有要考慮埋被告人你個背景。你個背景就包括咗你唔係一個初犯者，仲要連續同毒品有關已經有六次案底;而嗰六次嘅案底裡面，仲有一次就係同今次完全一樣嘅，即係販運危險藥物嘅罪行。即係話被告人你唔係話一個年少無知初犯者，仲要係已經干犯過相同嘅罪行，已經係受過刑罰，都仍然不知悔改，仍然係屢犯。所以，喺判刑方面，本席係要將呢一方面考慮落去，你唔會話同一個完全冇案底嘅人相提並論。咁考慮咗呢個案件 - 即係頭先所講嘅咁多個情況之下，本席認為恰當量刑起點係8年。被告你係喺好早嘅時間已經及時認罪，可以得到足足嘅三分之一嘅刑期扣減，所以就販運危險藥物罪，你需要坐監五年四個月。
案情就好簡單，喺案發嗰日，被告同埋女朋友就喺住所度行出嚟，因為當時行為鬼祟、神情緊張，畀一名警員睇到，認為佢有可疑，於是截停被告，要求作出搜查。當時被告就唔出聲，但係不斷咁樣打震，同埋用手撳住佢牛仔褲褲袋。警員搜呢個牛仔褲褲袋，就發現喺個袋入面有兩包思疑係海洛英嘅物品。當時警員已經用「販運危險藥物」罪名拉被告。警誡之下，被告就話嗰啲白粉係佢嘅，同佢女朋友無關。後屘返到去差館就繼續向被告調查。喺警誡之下，被告就畀咗一啲詳情，就係話有個朋友叫做「阿偉」，佢係受呢個「阿偉」嘅指示，去一間快餐店嘅洗手間入邊，攞咗嗰兩包毒品。咁佢就要帶嗰啲毒品去另外一個地方嘅 - 喺稍後時間帶去另一個地方，報酬就係500鈫。咁佢亦都知道嗰兩包係海洛英嚟嘅。佢話啱啱嗰日，即係佢離開嘅時候，佢嘅女朋友同一個時間同佢離開嗰個住所，咁所以就同佢一齊嘅啫，就唔關個女朋友事。佢亦都承認自己係有毒癮，係用「追龍」嘅方式嚟吸毒。嗰兩包毒品後屘就係拎咗去化驗，發覺原來混合物有59.78克嘅，而其中海洛英鹽酸鹽就47.11克，市值大概係54,500鈫。
關於被告嘅背景方面，27歲，有九次嘅刑事紀錄㗎喇，除咗有三次係同呢一個偷竊方面有關嘅案底，另外嗰六次全部係同毒品有關嘅，有一次仲係販運危險藥物，當時係被判12個月監禁。被告人代表水律師都已經好坦白咁同本席講，喺呢一類咁樣嘅嚴重案件，可以同被告人講嘅求情說話唔可以話係好多，基本上就係因為被告人認罪。被告人本身亦都寫咗一封信畀我，入面係講到就話而家失去自由喇，咁就好痛苦，有屋企人不斷去支持，去探佢，就覺得自己好對唔住屋企人，亦都想將來仲有機會去照顧父母，同埋做番個孝順仔，佢感到好後悔，犯咗而家呢個嘅案件，咁佢希望本席會盡量輕判。
本席喺考慮到呢件案件，首先就係同毒品有關嘅罪行，係非常之嚴重 - 法庭睇得好嚴重嘅。而被告人你干犯咗販運海洛英，上訴庭劉德明案件已經頒下判刑指引㗎喇，10至到50克嘅海洛英，範疇係5至8年 - 即係量刑嘅起點。咁今次件案件涉及係47.11，咁即係其實離50就連3克都冇，咁好明顯就喺10至50克呢一個範疇偏向50克嗰邊。呢件案件，考慮咗當時案情，被告人喺咩嘢情況之下被拘捕、你所牽涉嘅程度，同埋毒品嘅份量47.11克，仲有要考慮埋被告人你個背景。你個背景就包括咗你唔係一個初犯者，仲要連續同毒品有關已經有六次案底;而嗰六次嘅案底裡面，仲有一次就係同今次完全一樣嘅，即係販運危險藥物嘅罪行。即係話被告人你唔係話一個年少無知初犯者，仲要係已經干犯過相同嘅罪行，已經係受過刑罰，都仍然不知悔改，仍然係屢犯。所以，喺判刑方面，本席係要將呢一方面考慮落去，你唔會話同一個完全冇案底嘅人相提並論。咁考慮咗呢個案件 - 即係頭先所講嘅咁多個情況之下，本席認為恰當量刑起點係8年。被告你係喺好早嘅時間已經及時認罪，可以得到足足嘅三分之一嘅刑期扣減，所以就販運危險藥物罪，你需要坐監五年四個月。