HCCC 223/2009
HCCC223/2009
香港特別行政區
高等法院
原訟法庭
刑事案件2009年第223號
----------------
訴
李建鵬
-----------------------------------
判刑 以下內容乃法庭數碼錄音謄本
官： 被告早於裁判法院承認一項販運危險藥物罪，涉及係凈含毒量189.90克嘅氯胺酮，而家交由我懲處。
案情方面，好簡單嘅啫，就係被告喺羅湖管制站入境嗰時候被海關截查，而發現佢身藏涉案毒品。警誠下，被告承認為錢而替人將毒品帶入香港，會喺到達粉嶺之後，再與對方聯絡。
背景方面，被告22歲，係內地居民，曾經接受教育至小五程度，被捕時無業，住喺陸豐，喺香港冇住所，冇前科。
求情嘅時候，律師指佢因母親長期病患而欠下幾萬元嘅債項，所以先鋌而走險，而家已有機會作深刻反省，唔會重犯，不過呢啲都唔係有效嘅求情理由嚟。
由於本案案發於09年2月，有關氯胺酮嘅新指引自然適用。189.90克，量刑基準最低都要七年半。被告認罪，可以得到三分一嘅扣減，下調至5年。
就係咁，我宣判被告要為本案即時入獄5年。
本人/我等謹此證明，盡本人/我等所知及所能，上文是上述法律程序的錄音紀錄的真確謄本。