HCCC 245/2011
HCCC245/2011
香港特別行政區
高等法院
原訟法庭
刑事案件2011年第245號
----------------
主審法官： 高等法院法官潘敏琦
日期： 2011年9月12日上午9時46分
出席人士： 律政司高級檢控官Miss Rosaline Leung，代表香港特別行政區
Mr Stewart Hau Wai Chuen，由法律援助署延聘，代表被告人
控罪： 販運危險藥物（Trafficking in a dangerous drug）
----------------------
判刑 以下內容乃法庭數碼錄音謄本
官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，警員睇到被告攜帶一個手揪袋登上一部的士，喺佢落車嘅時候截停佢，發現個袋入面有毒品，而毒品經過化驗之後，證實為內含0.27公斤可卡因嘅共0.96公斤固體。被告喺警誡下承認佢係按他人嘅指示從一個花槽取得該袋毒品帶番屋企，其後又再按指示將該袋毒品放回原處嘅途中被捕。佢聲稱將會獲得1,000鈫嘅報酬，而上述嘅危險藥物市值係一百二十一萬多元。 被告今年30歲，未婚，喺干犯本案之前並冇刑事紀錄，大律師指，佢被捕前係做過運輸同埋清潔嘅工作，收入並不穩定。佢有一名固定嘅女友，但係長期患有精神病，需要佢照顧。另外，大律師亦都指，由於佢妹妹要到澳洲升學，佢為咗支付每月2,000鈫嘅費用，所以希望賺多啲錢而受人唆擺鋌而走險。而佢喺被捕之後與警方係合作，坦白承認控罪，彰顯悔意。大律師懇求本席給予一個較低嘅起刑點，等佢可以早日刑滿出獄照顧家人。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告承認控罪、大律師嘅求情，亦都閱讀咗由被告同埋佢嘅妹妹撰寫嘅求情信件。根據有關嘅量刑指引，販運可卡因重量200至到400克，起刑點係12至到15年。本案所牽涉嘅毒品係270克，考慮咗所有因素之後，本席認為一個13年嘅起刑點係適合，予以三分之一嘅認罪扣減，判刑八年八個月。
案情指，警員睇到被告攜帶一個手揪袋登上一部的士，喺佢落車嘅時候截停佢，發現個袋入面有毒品，而毒品經過化驗之後，證實為內含0.27公斤可卡因嘅共0.96公斤固體。被告喺警誡下承認佢係按他人嘅指示從一個花槽取得該袋毒品帶番屋企，其後又再按指示將該袋毒品放回原處嘅途中被捕。佢聲稱將會獲得1,000鈫嘅報酬，而上述嘅危險藥物市值係一百二十一萬多元。
被告今年30歲，未婚，喺干犯本案之前並冇刑事紀錄，大律師指，佢被捕前係做過運輸同埋清潔嘅工作，收入並不穩定。佢有一名固定嘅女友，但係長期患有精神病，需要佢照顧。另外，大律師亦都指，由於佢妹妹要到澳洲升學，佢為咗支付每月2,000鈫嘅費用，所以希望賺多啲錢而受人唆擺鋌而走險。而佢喺被捕之後與警方係合作，坦白承認控罪，彰顯悔意。大律師懇求本席給予一個較低嘅起刑點，等佢可以早日刑滿出獄照顧家人。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告承認控罪、大律師嘅求情，亦都閱讀咗由被告同埋佢嘅妹妹撰寫嘅求情信件。根據有關嘅量刑指引，販運可卡因重量200至到400克，起刑點係12至到15年。本案所牽涉嘅毒品係270克，考慮咗所有因素之後，本席認為一個13年嘅起刑點係適合，予以三分之一嘅認罪扣減，判刑八年八個月。