[2023] HKCFI 906
HCCC 198/2022
香港特別行政區
高等法院
原訟法庭
刑事案件2022年第198號
________________________
判刑 以下內容乃法庭數碼錄音謄本
官：
被告人承認一項販運危險藥物罪，喺裁判法院初級偵訊時候承認該項罪行。 罪行詳情就話被告人喺一個居所裡面發現，而居所裡面，當時係有48.73克嘅「冰」毒、47.49克嘅海洛英，同埋仲有60粒「藍精靈」、10粒美沙酮丸。辯方指出美沙酮丸係佢自用、「藍精靈」就愛嚟賣、「冰」毒同埋海洛英有部分就愛嚟自用，亦都以佢嘅經驗，大概嗰個「冰」就會係大概一個月喥就會賣晒，而喺嗰個份量裡面大概有15克佢自用；「白粉」，以佢嘅經驗，大概半個月就會去晒貨，而入面有15克佢自用。 我有機會睇過被告人作供，亦都有參考過佢嘅會面紀錄同埋佢嘅驗毒報告，我接受佢嘅講法，有一部分嘅「冰」、有一部分嘅海洛英佢係自用。我亦都接受，根據佢嘅經驗，佢自己嘅估計大概有15克嘅「冰」、15克嘅「白粉」，佢係愛嚟自己需要用。 好喇，今次毒品嘅份量，「冰」嘅份量係48.73克，刑期將會講緊就係10至70克就7至11年；海洛英個刑期就會喺10至50克，即係5至8年呢一個框架裡面。若果我用「冰」比較嚴重啲，判刑亦都會係相對重啲嘅作為一個量刑考慮起點。涉案嘅「冰」48.73克，所以我認為適當嘅量刑考慮點會係九年半。跟住從呢九年半，我要考慮涉及多過一種毒品搵到，而涉及多過一種毒品包括海洛英，其實份量亦都唔少，亦都上訴庭喺陳育良（譯音）嘅個案有講過話，海洛英同「冰」其實都係差唔多咁對社會危害一樣嘅毒品。考慮過有多過一種毒品、考慮過毒品嘅份量，尤其是海洛英嘅份量，嗰個刑期去到5至8年呢一個咁嘅範圍之內，我決定採納一個量刑嘅起點就十一年半，根據所搵到嘅毒品同埋個種類。喺考慮到用十一年半做呢個起點之後，我亦都跟循番上訴庭喺同樣嘅個案裡面個指引，就係睇一睇番，究竟用三種嘅測試，呢一個量刑起點是否過重，我好多謝代表你嘅大律師陳大律師亦都幫法庭做咗一個計算嘅公程式，我亦都有考慮過。 喺考慮過之後，我認為十一年半嘅量刑起點係適合。由於你認罪、亦都係第一時間認罪，我會畀番三分之一嘅扣減你，所以由十一年半扣減咗你認罪因素係七年零八個月。我亦都考慮、亦都接受有一部分嘅毒品係你自用，我會再額外畀多一年零四個月嘅扣減你。所以，最終我判你嘅刑期係六年零四個月。
被告人承認一項販運危險藥物罪，喺裁判法院初級偵訊時候承認該項罪行。
罪行詳情就話被告人喺一個居所裡面發現，而居所裡面，當時係有48.73克嘅「冰」毒、47.49克嘅海洛英，同埋仲有60粒「藍精靈」、10粒美沙酮丸。辯方指出美沙酮丸係佢自用、「藍精靈」就愛嚟賣、「冰」毒同埋海洛英有部分就愛嚟自用，亦都以佢嘅經驗，大概嗰個「冰」就會係大概一個月喥就會賣晒，而喺嗰個份量裡面大概有15克佢自用；「白粉」，以佢嘅經驗，大概半個月就會去晒貨，而入面有15克佢自用。
我有機會睇過被告人作供，亦都有參考過佢嘅會面紀錄同埋佢嘅驗毒報告，我接受佢嘅講法，有一部分嘅「冰」、有一部分嘅海洛英佢係自用。我亦都接受，根據佢嘅經驗，佢自己嘅估計大概有15克嘅「冰」、15克嘅「白粉」，佢係愛嚟自己需要用。
好喇，今次毒品嘅份量，「冰」嘅份量係48.73克，刑期將會講緊就係10至70克就7至11年；海洛英個刑期就會喺10至50克，即係5至8年呢一個框架裡面。若果我用「冰」比較嚴重啲，判刑亦都會係相對重啲嘅作為一個量刑考慮起點。涉案嘅「冰」48.73克，所以我認為適當嘅量刑考慮點會係九年半。跟住從呢九年半，我要考慮涉及多過一種毒品搵到，而涉及多過一種毒品包括海洛英，其實份量亦都唔少，亦都上訴庭喺陳育良（譯音）嘅個案有講過話，海洛英同「冰」其實都係差唔多咁對社會危害一樣嘅毒品。考慮過有多過一種毒品、考慮過毒品嘅份量，尤其是海洛英嘅份量，嗰個刑期去到5至8年呢一個咁嘅範圍之內，我決定採納一個量刑嘅起點就十一年半，根據所搵到嘅毒品同埋個種類。喺考慮到用十一年半做呢個起點之後，我亦都跟循番上訴庭喺同樣嘅個案裡面個指引，就係睇一睇番，究竟用三種嘅測試，呢一個量刑起點是否過重，我好多謝代表你嘅大律師陳大律師亦都幫法庭做咗一個計算嘅公程式，我亦都有考慮過。
喺考慮過之後，我認為十一年半嘅量刑起點係適合。由於你認罪、亦都係第一時間認罪，我會畀番三分之一嘅扣減你，所以由十一年半扣減咗你認罪因素係七年零八個月。我亦都考慮、亦都接受有一部分嘅毒品係你自用，我會再額外畀多一年零四個月嘅扣減你。所以，最終我判你嘅刑期係六年零四個月。