HCCC 213/2011
HCCC213/2011
香港特別行政區
高等法院
原訟法庭
刑事案件2011年第213號
----------------
主審法官： 高等法院法官潘敏琦
日期： 2011年9月14日上午9時49分
出席人士： Miss Susanna Ku，為外聘律師，代表香港特別行政區
Mr Freddy Woo，由江得源律師行延聘，代表被告人
控罪： 強姦（Rape）
----------------------
判刑 以下內容乃法庭數碼錄音謄本
官： 被告承認一項強姦罪，違反香港法例第200章《刑事罪行條例》第118（1）條。
被告係喺互聯網嘅討論區上，認識咗本案嘅受害人，受害人喺事發當時係稍少於15歲。認識咗大約兩個星期，被告邀約受害人見面之後，佯稱要去觀塘食嘢，帶咗受害人去觀塘一個屋苑嘅後樓梯，要求受害人多陪佢一陣，跟住撫摸受害人。受害人出言拒絕，並且以行動作出拒絕，但係被告不予理會，最後將受害人強姦。喺過程中，被告並冇使用安全套。被捕之後，被告承認強姦受害人，表示係一時衝動，對此深感後悔。 被告現年19歲，喺事發嘅時候係18歲，過往並冇刑事紀錄。大律師喺求情嘅時候指，被告仍然喺香港專業學院攻讀高級文憑課程，本來喺本年9月需要復課，但係因為今次嘅事件，學業已經受到耽誤。另外，大律師又強調，本案並不存在過份使用武力、破壞誠信或者涉及變態性性作為嘅嚴重因素，而呢次嘅事件係因為佢哋兩個人都喺互聯網上傾談之下感到投契而導致嘅。大律師更強調，被告今次係認罪，所以希望本席予以輕判。 本席喺量刑嘅時候，考慮咗本案嘅案情、被告認罪、大律師所提出嘅求情理由。喺本案中係有以下令案情情節嚴重嘅因素：第一，事主年幼，當其時並未夠15歲；第二，喺事件中，被告並冇使用安全措施；第三，被告係喺事件中有一定程度嘅預謀。綜合所有嘅因素，本席認為7年嘅量刑起點係合適嘅，被告承認控罪，予以三分之一嘅量刑扣減，判刑四年八個月。
被告係喺互聯網嘅討論區上，認識咗本案嘅受害人，受害人喺事發當時係稍少於15歲。認識咗大約兩個星期，被告邀約受害人見面之後，佯稱要去觀塘食嘢，帶咗受害人去觀塘一個屋苑嘅後樓梯，要求受害人多陪佢一陣，跟住撫摸受害人。受害人出言拒絕，並且以行動作出拒絕，但係被告不予理會，最後將受害人強姦。喺過程中，被告並冇使用安全套。被捕之後，被告承認強姦受害人，表示係一時衝動，對此深感後悔。
被告現年19歲，喺事發嘅時候係18歲，過往並冇刑事紀錄。大律師喺求情嘅時候指，被告仍然喺香港專業學院攻讀高級文憑課程，本來喺本年9月需要復課，但係因為今次嘅事件，學業已經受到耽誤。另外，大律師又強調，本案並不存在過份使用武力、破壞誠信或者涉及變態性性作為嘅嚴重因素，而呢次嘅事件係因為佢哋兩個人都喺互聯網上傾談之下感到投契而導致嘅。大律師更強調，被告今次係認罪，所以希望本席予以輕判。
本席喺量刑嘅時候，考慮咗本案嘅案情、被告認罪、大律師所提出嘅求情理由。喺本案中係有以下令案情情節嚴重嘅因素：第一，事主年幼，當其時並未夠15歲；第二，喺事件中，被告並冇使用安全措施；第三，被告係喺事件中有一定程度嘅預謀。綜合所有嘅因素，本席認為7年嘅量刑起點係合適嘅，被告承認控罪，予以三分之一嘅量刑扣減，判刑四年八個月。