HCCC 54/2011
HCCC54/2011
香港特別行政區
高等法院
原訟法庭
刑事案件2011年第54號
----------------
主審法官： 高等法院法官彭偉昌
日期： 2011年7月15日上午10時37分
控罪： 販運危險藥物（Trafficking in a dangerous drug）
----------------------
判刑 以下內容乃法庭數碼錄音謄本
官： 被告早於裁判法院承認過一項販運危險藥物罪，涉及以淨含毒量計396.16克氯胺酮，而家交由我懲處。
被告作案嘅過程如下：警方喺涉案地點發現被告，佢一路講電話、一路步入蘇豪坊，10分鐘後，同案嘅另一名被告袁泳濠則從蘇豪坊行出嚟，一邊講電話、一邊四圍張望，跟住兩分鐘後，被告本身亦出番嚟，並走向袁泳濠同佢交談，結果被告被當場截查下，發現攜有涉案毒品喺一個袋入面。警誡下，被告承認因為錢而同意替人帶毒，事發時正依照嗰個人（亦即係光哥）嘅指示，與喺蘇豪坊一間酒吧工作嘅袁泳濠--經袁泳濠指出毒品嘅位置後，由袁泳濠為佢偵察現場，確保安全，讓佢離開嘅。 被告今年23歲，香港出生，及受教育至中三嘅程度，之後曾經做過廚師同埋傳銷員，案發前一個月開始失業，與母親及一名兄長同住，冇刑事定罪紀錄嘅。 求情嗰時，律師話佢單親家庭長大，缺乏管教，媽媽就係有中風，所以就需要金錢去替佢治病，而且佢亦都指出，被告曾經協助警方，表示願意頂證呢一個同案嘅袁泳濠。 觀乎涉案毒品嘅數量，一個合適嘅量刑基準係10年，由於被告認罪兼願意轉為控方證人，為控方接受，致令另一被告認罪。我會將呢個基準下調百分之四十五，至到五年半。不過之後就再冇其他任何折扣。 我宣判被告需要入獄五年半。
被告作案嘅過程如下：警方喺涉案地點發現被告，佢一路講電話、一路步入蘇豪坊，10分鐘後，同案嘅另一名被告袁泳濠則從蘇豪坊行出嚟，一邊講電話、一邊四圍張望，跟住兩分鐘後，被告本身亦出番嚟，並走向袁泳濠同佢交談，結果被告被當場截查下，發現攜有涉案毒品喺一個袋入面。警誡下，被告承認因為錢而同意替人帶毒，事發時正依照嗰個人（亦即係光哥）嘅指示，與喺蘇豪坊一間酒吧工作嘅袁泳濠--經袁泳濠指出毒品嘅位置後，由袁泳濠為佢偵察現場，確保安全，讓佢離開嘅。
被告今年23歲，香港出生，及受教育至中三嘅程度，之後曾經做過廚師同埋傳銷員，案發前一個月開始失業，與母親及一名兄長同住，冇刑事定罪紀錄嘅。
求情嗰時，律師話佢單親家庭長大，缺乏管教，媽媽就係有中風，所以就需要金錢去替佢治病，而且佢亦都指出，被告曾經協助警方，表示願意頂證呢一個同案嘅袁泳濠。
觀乎涉案毒品嘅數量，一個合適嘅量刑基準係10年，由於被告認罪兼願意轉為控方證人，為控方接受，致令另一被告認罪。我會將呢個基準下調百分之四十五，至到五年半。不過之後就再冇其他任何折扣。
我宣判被告需要入獄五年半。