HCCC 363/2012
香港特別行政區
高等法院
原訟法庭
刑事案件2012年第363號
----------------
----------------------
判刑 以下內容乃法庭數碼錄音謄本
官：
被告承認一項販運危險藥物罪，違反香港法例第134章《危險藥物條例》第4（1）（a）及（3）條。 根據案情，警方喺一個單位進行掃毒行動，睇到被告人正在用鎖匙打開一個單位嘅鐵閘。被告係同另一人分租其中一間房間，被警員截停嘅時候，當時手持一個白色嘅環保袋，入面有兩個膠袋，分別裝有「冰」毒，被告承認正在協助他人運送「冰」毒，由於未知道要運送去邊度，所以將「冰」毒帶返去單位，等待電話。毒品經過化驗之後，證實係104.86克嘅晶狀固體內含99.26克甲基苯丙胺鹽酸鹽，市值79,588元。 被告現年32歲，共有兩項嘅刑事紀錄，分別喺2003年管有危險藥物以及2009年販運危險藥物，佢最後係喺2012年1月28日從羅湖懲教署獲釋，咁即係喺本案獲釋後四個月干犯嘅。 大律師喺求情嘅時候表示，被告係由於受唔住金錢嘅誘使，先至受到其他人唆擺，干犯本案，而佢明白最大嘅求情係佢坦白認罪，而本案亦不存在任何令案情嚴重嘅因素，希望本席能夠喺刑期上寬大處理。 本席喺量刑嘅時候，考慮咗本案嘅案情、毒品嘅種類、毒品嘅重量、有關嘅量刑指引、被告認罪以及大律師嘅求情。本案涉及嘅係「冰」毒，而根據有關嘅量刑指引，販運70至到300克「冰」毒嘅起刑點係10至到14年。本案涉及販運99.26克嘅「冰」毒，本席認為一個十年半嘅起刑點係適合嘅，予以三分之一嘅認罪扣減，判刑7年。
被告承認一項販運危險藥物罪，違反香港法例第134章《危險藥物條例》第4（1）（a）及（3）條。
根據案情，警方喺一個單位進行掃毒行動，睇到被告人正在用鎖匙打開一個單位嘅鐵閘。被告係同另一人分租其中一間房間，被警員截停嘅時候，當時手持一個白色嘅環保袋，入面有兩個膠袋，分別裝有「冰」毒，被告承認正在協助他人運送「冰」毒，由於未知道要運送去邊度，所以將「冰」毒帶返去單位，等待電話。毒品經過化驗之後，證實係104.86克嘅晶狀固體內含99.26克甲基苯丙胺鹽酸鹽，市值79,588元。
被告現年32歲，共有兩項嘅刑事紀錄，分別喺2003年管有危險藥物以及2009年販運危險藥物，佢最後係喺2012年1月28日從羅湖懲教署獲釋，咁即係喺本案獲釋後四個月干犯嘅。
大律師喺求情嘅時候表示，被告係由於受唔住金錢嘅誘使，先至受到其他人唆擺，干犯本案，而佢明白最大嘅求情係佢坦白認罪，而本案亦不存在任何令案情嚴重嘅因素，希望本席能夠喺刑期上寬大處理。
本席喺量刑嘅時候，考慮咗本案嘅案情、毒品嘅種類、毒品嘅重量、有關嘅量刑指引、被告認罪以及大律師嘅求情。本案涉及嘅係「冰」毒，而根據有關嘅量刑指引，販運70至到300克「冰」毒嘅起刑點係10至到14年。本案涉及販運99.26克嘅「冰」毒，本席認為一個十年半嘅起刑點係適合嘅，予以三分之一嘅認罪扣減，判刑7年。