鄒瑞顏及 柯慧芯
HCCC 346/2009
HCCC346/2009
香港特別行政區
高等法院
原訟法庭
刑事案件2009年第346號
----------------
----------------------
判刑 以下內容乃法庭數碼錄音謄本
官： 兩名被告早於裁判法院承認過一項販運危險藥物罪，涉及以淨含毒量計2365.87克嘅「冰」。
同意案情指，兩名被告喺機場離境大堂辦理登機手續去日本時被截查，結果被發現各自藏有毒品喺身上。警誡下，佢哋均承認為錢替人帶毒，而且兩個人都知情，共同參與。經化驗後，喺被告一身上嘅毒品證實為以淨含毒量計1163.73克嘅「冰」，被告二身上嘅則為1202.14克，加埋就係2365.87克。 被告一現時26歲，香港出生及受教育至中三，之後做過侍應及建築工人，被捕時無業，與被告二為同居男女朋友關係。至於被告二，佢現年20歲，香港出生及受教育至中二，之後做過文員、收銀員及侍應，被捕時無業。兩名被告喺本案之前都冇任何刑事定罪紀錄。求情嗰陣時候，兩名被告嘅律師都指，佢哋對事件有真誠悔意，當時犯案就係因為想結婚，但係又失業，所以想搵快錢，不過呢啲當然都唔係甚麼有效嘅求情理由。有鑒於涉案毒品嘅數量，我認為二十一年係一個適合嘅量刑基準，被告佢哋認罪，可得三分一嘅扣減，就下調至十四年。 我正式宣判，佢哋每人為本案需要入獄十四年。
同意案情指，兩名被告喺機場離境大堂辦理登機手續去日本時被截查，結果被發現各自藏有毒品喺身上。警誡下，佢哋均承認為錢替人帶毒，而且兩個人都知情，共同參與。經化驗後，喺被告一身上嘅毒品證實為以淨含毒量計1163.73克嘅「冰」，被告二身上嘅則為1202.14克，加埋就係2365.87克。
被告一現時26歲，香港出生及受教育至中三，之後做過侍應及建築工人，被捕時無業，與被告二為同居男女朋友關係。至於被告二，佢現年20歲，香港出生及受教育至中二，之後做過文員、收銀員及侍應，被捕時無業。兩名被告喺本案之前都冇任何刑事定罪紀錄。求情嗰陣時候，兩名被告嘅律師都指，佢哋對事件有真誠悔意，當時犯案就係因為想結婚，但係又失業，所以想搵快錢，不過呢啲當然都唔係甚麼有效嘅求情理由。有鑒於涉案毒品嘅數量，我認為二十一年係一個適合嘅量刑基準，被告佢哋認罪，可得三分一嘅扣減，就下調至十四年。
我正式宣判，佢哋每人為本案需要入獄十四年。
有關向上訴法庭提出的相關上訴，請參閲CACC61/2012。