HCCC 167/2012
HCCC167/2012
香港特別行政區
高等法院
原訟法庭
刑事案件2012年第167號
----------------
主審法官： 高等法院法官潘敏琦
日期： 2012年7月17日上午9時44分
出席人士： 律政司檢控官Miss Lilly Wong，代表香港特別行政區
Mr Nelson Lam，由法律援助署延聘，代表被告人
控罪： 販運危險藥物（Trafficking in dangerous drugs）
----------------------
以下內容乃法庭數碼錄音謄本 判刑
官：
被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指警員喺有關單位搜查，發現被告嘅褲袋內有毒品，而單位內亦都有多袋嘅毒品以及包裝毒品嘅工具，包括一啲膠袋同埋電子磅，另外係有5,300元嘅現金。被告承認嗰啲「K仔」以及可卡因係佢買入，打算分拆出售圖利嘅，估計可獲5,000元利潤。 所有嘅毒品經過化驗之後，證實係248.69克嘅粉末，內含157.97克嘅氯胺酮，另外仲有係內含4.83克可卡因嘅6.50克粉末。當時嘅零售價分別為27,107元以及7,124元。 被告現在係18歲，冇刑事紀錄。大律師喺求情嘅時候表示被告犯案嘅時間年紀尚輕，而犯事之後第一時候認罪，彰顯悔意。佢亦都知道將會被判一個頗長嘅刑期，佢將會利用此段時間喺獄中好好學習，希望出獄之後重新做人。 本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及佢母親、錢副校長以及社工所撰寫嘅求情信。就住被告所涉及嘅氯胺酮嘅數量，根據許守城嘅案例，係納入50至到300克，即係6至到9年嘅量刑界別。而有關嘅4.83克嘅可卡因則納入兩至到五年嘅量刑界別。本席喺量刑嘅時候採用一個組合式嘅量刑方法，認為所有嘅毒品應該以七年半作為起刑點，予以三分之一嘅認罪扣減，判刑60個月，即係5年。
被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指警員喺有關單位搜查，發現被告嘅褲袋內有毒品，而單位內亦都有多袋嘅毒品以及包裝毒品嘅工具，包括一啲膠袋同埋電子磅，另外係有5,300元嘅現金。被告承認嗰啲「K仔」以及可卡因係佢買入，打算分拆出售圖利嘅，估計可獲5,000元利潤。
所有嘅毒品經過化驗之後，證實係248.69克嘅粉末，內含157.97克嘅氯胺酮，另外仲有係內含4.83克可卡因嘅6.50克粉末。當時嘅零售價分別為27,107元以及7,124元。
被告現在係18歲，冇刑事紀錄。大律師喺求情嘅時候表示被告犯案嘅時間年紀尚輕，而犯事之後第一時候認罪，彰顯悔意。佢亦都知道將會被判一個頗長嘅刑期，佢將會利用此段時間喺獄中好好學習，希望出獄之後重新做人。
本席喺量刑嘅時候考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告以及佢母親、錢副校長以及社工所撰寫嘅求情信。就住被告所涉及嘅氯胺酮嘅數量，根據許守城嘅案例，係納入50至到300克，即係6至到9年嘅量刑界別。而有關嘅4.83克嘅可卡因則納入兩至到五年嘅量刑界別。本席喺量刑嘅時候採用一個組合式嘅量刑方法，認為所有嘅毒品應該以七年半作為起刑點，予以三分之一嘅認罪扣減，判刑60個月，即係5年。