HCCC 32/2012
HCCC32/2012
香港特別行政區
高等法院
原訟法庭
刑事案件2012年第32號
----------------
----------------------
判刑 以下內容乃法庭數碼錄音謄本
官：
被告承認一項販運危險藥物罪，涉及淨含毒量80.71克嘅可卡因。 案情方面好簡單，被告喺街上被警方截查，結果發現佢身上嘅兩個布袋分別藏有一包及四包思疑毒品，經化驗後，證實為涉案嘅毒品。警誡下被告承認單獨嗰包可卡因係自用嘅，購自一個叫阿慶嘅人，其餘四包則由阿慶交畀佢保管。案發前阿慶來電，叫佢將所有毒品，即係包括佢自購，但未服用完畢嗰包，帶到某處交畀阿慶嘅某個朋友，結果畀警方截停、搜獲。 被告現年31歲，香港出生及受教育至中四程度，之後任職嘅都係藍領工作，被捕時係貨櫃碼頭嘅理貨員。此外，佢單身，與父母及兩名弟弟同住，冇刑事定罪紀錄。求情時嘅律師指被告喺警誡下所講嘅係事實，而且亦冇金錢收益，但係呢個講法根本唔合理，相反卻顯示佢毫無悔意嘅。 觀乎涉案毒品嘅數量，一個適當嘅量刑基準係八年半，以八年半作起點，其實已經係比純數學計算所能得出嘅基準為低㗎喇，不過我唔覺得要就呢點斤斤計較。無論如何，八年半作起點，被告認罪，可得三分一嘅扣減，就下調至五年零八個月。被告被正式宣判要入獄五年零八個月。
被告承認一項販運危險藥物罪，涉及淨含毒量80.71克嘅可卡因。
案情方面好簡單，被告喺街上被警方截查，結果發現佢身上嘅兩個布袋分別藏有一包及四包思疑毒品，經化驗後，證實為涉案嘅毒品。警誡下被告承認單獨嗰包可卡因係自用嘅，購自一個叫阿慶嘅人，其餘四包則由阿慶交畀佢保管。案發前阿慶來電，叫佢將所有毒品，即係包括佢自購，但未服用完畢嗰包，帶到某處交畀阿慶嘅某個朋友，結果畀警方截停、搜獲。
被告現年31歲，香港出生及受教育至中四程度，之後任職嘅都係藍領工作，被捕時係貨櫃碼頭嘅理貨員。此外，佢單身，與父母及兩名弟弟同住，冇刑事定罪紀錄。求情時嘅律師指被告喺警誡下所講嘅係事實，而且亦冇金錢收益，但係呢個講法根本唔合理，相反卻顯示佢毫無悔意嘅。
觀乎涉案毒品嘅數量，一個適當嘅量刑基準係八年半，以八年半作起點，其實已經係比純數學計算所能得出嘅基準為低㗎喇，不過我唔覺得要就呢點斤斤計較。無論如何，八年半作起點，被告認罪，可得三分一嘅扣減，就下調至五年零八個月。被告被正式宣判要入獄五年零八個月。