HCCC 21/2013
香港特別行政區
高等法院
原訟法庭
刑事案件2013年第21號
----------------
----------------------
判刑 以下內容乃法庭數碼錄音謄本
官：
被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，關員喺街上截查被告，喺被告手握雜誌內發現一個粉紅色嘅膠袋，內有毒品。被告承認嗰啲危險藥物係「K仔」，重250克，佢係收500鈫幫人運送，不過未收錢。 有關嘅毒品經過化驗之後，證實為240克嘅粉末，內含200公斤嘅氯胺酮，當時嘅零售價係29,280元。 被告現年24歲，過往並冇刑事紀錄。 大律師喺求情嘅時候表示，被告喺犯案嘅時候正在待業，但係經不起誘惑而鋌而走險，以為可以藉販運危險藥物賺快錢而干犯本案。大律師又指，被告對於觸犯法例連累家人，深感後悔，故此，第一時間認罪，彰顯悔意，希望本席能夠重輕發落，讓佢早日獲釋，與家人團聚。 本席喺量刑嘅時候，考慮咗本案嘅案情、毒品嘅種類、重量同埋量刑指引，亦都考慮到被告認罪、大律師嘅求情，亦都閱讀咗被告以及被告父親所撰寫嘅求情信。根據許守城嘅量刑指引，販運50至到300克氯胺酮，起刑點6年至9年。 本案涉及嘅毒品係200克嘅氯胺酮，販運危險藥物係嚴重罪行，被告個人嘅情況不屬例外可獲法庭重輕發落嘅情況。就本案而言，本席採納8年作為起刑點，予以被告三分之一嘅量刑扣減，判刑64個月，即係五年四個月。
被告承認一項販運危險藥物罪，違反香港法例第134章《危險藥物條例》第4（1）（a）及（3）條。
案情指，關員喺街上截查被告，喺被告手握雜誌內發現一個粉紅色嘅膠袋，內有毒品。被告承認嗰啲危險藥物係「K仔」，重250克，佢係收500鈫幫人運送，不過未收錢。
有關嘅毒品經過化驗之後，證實為240克嘅粉末，內含200公斤嘅氯胺酮，當時嘅零售價係29,280元。
被告現年24歲，過往並冇刑事紀錄。
大律師喺求情嘅時候表示，被告喺犯案嘅時候正在待業，但係經不起誘惑而鋌而走險，以為可以藉販運危險藥物賺快錢而干犯本案。大律師又指，被告對於觸犯法例連累家人，深感後悔，故此，第一時間認罪，彰顯悔意，希望本席能夠重輕發落，讓佢早日獲釋，與家人團聚。
本席喺量刑嘅時候，考慮咗本案嘅案情、毒品嘅種類、重量同埋量刑指引，亦都考慮到被告認罪、大律師嘅求情，亦都閱讀咗被告以及被告父親所撰寫嘅求情信。根據許守城嘅量刑指引，販運50至到300克氯胺酮，起刑點6年至9年。
本案涉及嘅毒品係200克嘅氯胺酮，販運危險藥物係嚴重罪行，被告個人嘅情況不屬例外可獲法庭重輕發落嘅情況。就本案而言，本席採納8年作為起刑點，予以被告三分之一嘅量刑扣減，判刑64個月，即係五年四個月。